Amerika süygiş Tramp. Foto: Businessinsider.com

AQŞ prezidenti Donal'd Tramp  «Tepe-teñ federaldıq meje esep» attı on jıldıq merzimge arnalğan byudjet jobasın ortağa qoydı. Atalğan joba ükimettiñ qoğamdıq qamsızdandıru nısandarı bölgen qarajattar men mejelengen merzim işindegi ekonomikalıq ösimge iek artadı. Joba jariyalanısımen,  seysenbi küni Demokrattar partiyası men Respublikaşıldar partiyasınıñ bir bölim müşeleriniñ qarsılığına wşıradı.

Alyaska ştatındağı Respublikaşıldardıñ müşesi Don Young:  «Jasırarı joq,  bwl joba iske qosılmay jatıp,  jeñiliske wşıradı. Men bwl byudjet josparınıñ osı ştattağı eki iri nısandı küşinen qaldıruın qalamaymın», – dedi.

Bwl jobağa negizdelgende aldağı on jılda azıq-tülik bileti $ 193 mln;  oquşılar nesiesi $  143 mln;  mümkindigi şekteuli jandarğa arnalğan arnayı tölemder $ 7, 2 trln;  auıl şaruaşılıq järdemaqısı $ 3, 8 trln-ğa azayuı kerek eken.

Kentukki ştatındağı respublikaşıldar ökili,  bwrınğı ökilder üyiniñ byudjet basqaru komitetiniñ törağası Hal Rogres (Hal Rogers) : «Atalğan joba wsaq-tüyek problemalardı şeşetin närse emes,  qayta ol ekonomikalıq iri ösu procesine qısım tüsiredi de,  AQŞ-tağı auıldı jerlerdi kedeylikke wşıratuı mümkin», – deydi.

Keybir sarapşılar bwl on jıldıq byudjet jobası arqılı jalpı ekonomikadağı ösim bwrınğıdan bayauıraq bolğanımen,  memlekettik işki kirisi artıp,  ükimetti quattı qarjımen qamdauğa,  äskeri salağa bölinetin qarjını köbeytuge boladı deydi. Qazınalıq isterdiñ qanday da bir zañdılıqtarın jiligin şağıp, mayın işken amerikalıq mamandardıñ ärbir boljamı Tramptıñ asığıs şeşimderine dem berui,  tipti,  onıñ josparların qaytadan tüzip şığuı mümkin.

Tramptıñ aytqan ärbir sözderi men atqaru aldında twrğan sayasi oyları,  ekonomikalıq jobaları AQŞ-tıñ el işinde de,  halıqaralıq qızğın taqırıpqa aynalıp otır. Prezidentteriniñ aytqanın bwljıtpay orındauğa ädettenbegen amerikalıqtar, el tağdırı men müddesine sayatın ärbir qadamğa saqtıqpen,  sabırmen baratını anıq.

“The Qazaq Times”