Pak Kın He sot zalında

Bügin Seulde Oñtüstik Koreyanıñ bwrınğı prezidenti Pak Kın He isine baylanıstı sot processi bastaldı dep habarlaydı Nemis tolqını aqparattıq agenttigi.

Sot barısında Pak Kın He özine tağılğan ayıptardıñ barlığımen kelispeytinin aytqan.

Pak Kın He üstinen Oñtüstik Koreya qılmıstıq kodeksiniñ qızmetin asıra paydalandı, memlekettik qwpiyalardı bögde adamğa jariyaladı, asa iri kölemde qarjı jımqırdı, iri kompaniyalardan aqşa bopsaladı degen baptarı boyınşa is qozğalğan.

Pak Kın Heden bölek sot zalına onıñ qwrbısı Çhve Sun Sil'de äkelingen. Çhve Sun Sil'ge lauazımdı jaqındarın paydalanu arqılı alpauıt kompaniyalardan qarjı bopsalağan, el ükimetiniñ jwmısın öz müdesine paydalanğan degen ayıptar tağılğan.

2017 jılı 10 naurız küni Oñtüstik Koreyanıñ Konstituciyalıq sotınıñ şeşimimen Pak Kın He qızmetinen alınıp, 30 naurız küni qamauğa alınğan bolatın.

Pak Kın He Oñtüstik Koreya tarihında jemqorlıqqa baylanıstı sottalıp jatqan üşinşi prezident.

“The Qazaq Times”