پاك كىن حە سوت زالىندا

بۇگىن سەۋلدە وڭتۇستىك كورەيانىڭ بۇرىنعى پرەزيدەنتى پاك كىن حە ىسىنە بايلانىستى سوت پروتسەسسى باستالدى دەپ حابارلايدى نەمىس تولقىنى اقپاراتتىق اگەنتتىگى.

سوت بارىسىندا پاك كىن حە وزىنە تاعىلعان ايىپتاردىڭ بارلىعىمەن كەلىسپەيتىنىن ايتقان.

پاك كىن حە ۇستىنەن وڭتۇستىك كورەيا قىلمىستىق كودەكسىنىڭ قىزمەتىن اسىرا پايدالاندى، مەملەكەتتىك قۇپيالاردى بوگدە ادامعا جاريالادى، اسا ءىرى كولەمدە قارجى جىمقىردى، ءىرى كومپانيالاردان اقشا بوپسالادى دەگەن باپتارى بويىنشا ءىس قوزعالعان.

پاك كىن حەدەن بولەك سوت زالىنا ونىڭ قۇربىسى چحۆە سۋن سيلدە اكەلىنگەن. چحۆە سۋن سيلگە لاۋازىمدى جاقىندارىن پايدالانۋ ارقىلى الپاۋىت كومپانيالاردان قارجى بوپسالاعان، ەل ۇكىمەتىنىڭ جۇمىسىن ءوز مۇدەسىنە پايدالانعان دەگەن ايىپتار تاعىلعان.

2017 جىلى 10 ناۋرىز كۇنى وڭتۇستىك كورەيانىڭ كونستيتۋتسيالىق سوتىنىڭ شەشىمىمەن پاك كىن حە قىزمەتىنەن الىنىپ، 30 ناۋرىز كۇنى قاماۋعا الىنعان بولاتىن.

پاك كىن حە وڭتۇستىك كورەيا تاريحىندا جەمقورلىققا بايلانىستى سوتتالىپ جاتقان ءۇشىنشى پرەزيدەنت.

“The Qazaq Times”