Qazaqstannıñ damu banki mwnay jabdıqtarın jetkizetin kompaniyağa nesie beredi

«Qazaqstannıñ Damu Banki» AQ Qazaqstandağı iri wñğıma qwrılısı men jöndeu, mwnay öñdeu, öndiru jäne jinauğa arnalğan jabdıq, sonday-aq jılu energetikalıq jabdıq öndiruşi «AtırauMwnayMaş» JŞS-nıñ investiciyalıq jobasın iske asıru üşin nesie beredi. Jobanıñ jalpı qwnı 15,3 mlrd teñgeni qwraydı.

Baspasöz qızmetiniñ mälimetinşe, jobanı jüzege asıru nätijesinde «AtırauMwnayMaş» öndiristik quattılıqtarı 2,5 esege  - maşina jasau önimderi jılına 20 000 tonnağa deyin wlğayadı.

Bwdan özge, ANSI, API, ASME halıqaralıq standarttarı boyınşa mwnay-gaz, mwnay öñdeu jäne mwnay-himiya käsiporındarına arnalğan önimderdiñ jaña atauların şığaru josparlanğan.

Joba ıstıq mırıştau, greyting cehtarınıñ, sonday-aq zauıttıñ qosalqı cehınıñ qwrılısın ayaqtaudan twradı. Joğarı tehnologiyalı ital'yandıq, germaniyalıq, amerikalıq jabdıqtarmen jabdıqtalğan jaña öndiristik cehtardı 2018 jılı paydalanuğa beru josparlanğan.

Jaña öndiristik  jeli qwrılısı 2013 jılı «AtırauMwnayMaş» asa gabaridti bwyımdardı öndiru keşenin paydalanuğa beruden bastağan investiciyalıq jobanıñ ekinşi kezeñi bolmaq.

«AtırauMwnayMaş» bas direktorı Aleksandr Donskovtıñ sözinşe, jinalğan qwzırettilikter men asa auır jükterdi tasımaldau boyınşa täjiribeni eskergende «AtırauMwnayMaş» büginde Kaspiy mañı öñirindegi mwnay käsipşiligi  jabdıqtarınıñ jalğız jetkizuşisi. Zauıttıñ jaña quattılıqtarında mırıştau jäne gaz-plazmalıq kesu tehnologiyaların qoldana otırıp, qalıñ büyirli jäne modul'dik jabdıqtar öndiru jüzege asırıladı.

«AtırauMwnayMaş» qazirgi uaqıtta Qazaqstandağı iri mwnay öndiretin jäne mwnay öñdeytin jobalarğa, atap aytqanda Teñiz jäne Qaraşığanaq ken orındarına, Pavlodar, Atırau jäne Şımkent MÖZ-derin jañğırtuğa arnalğan jabdıqtardı jetkizedi.

Habarlamada aytılğanday, 2017 jılı kompaniya 4 700  tonnağa deyin maşina jasau önimderin öndirudi josparlap otır, bwl 2016 jılmen salıstırğanda  60%-ğa artıq. Käsiporınnıñ ştatı qazirgi tañda 275 adamdı qwraydı, jaña quattılıqtardı paydalanuğa bergennen keyin 170 jaña jwmıs ornı aşıladı.

“The Qazaq Times”