Donal'd Tramp. Foto: Esquire.

AQŞ prezidenti Donal'd Tramp jwma küni öziniñ qızmetke kiriskennen bergi alğaşqı resmi saparına şığadı. Bwl saparı Tayau Şığıs beybit procesine jäne birlesken europalıq odaqtastarınıñ lañkestikke qarsı küresine järdemdesu maqsatına bağıttaladı dep habarlandı. Biraq ol Qwrama Ştat döp kelip otırğan işki sayasi mäselelerge qoldı bir-aq siltep ketkeli twr. Bwl turalı “The Wall Street Journal” basılımı habarlağan bolatın.

Tramptıñ bwl retki saparı toğız künge jalğaspaq. Saud Arabiyası men Izrail'de de arnaulı saparda boladı. Vatikanda bolıp Rim Papasımen de jolıqpaq. Sonday-aq, EO-nıñ birneşe mañızdı twlğaları men NATO-nıñ Bryussel'degi basşılarına kezdesudi josparlap otır.

AQŞ memlekettik ister hatşısı Reks Tillerson keşe jasağan mälimdemesinde: «Prezident Tramptıñ bwl retki saparı mınanı bildiredi – Amerika Qwrama Ştatı sayasi arenağa ğalam damuınıñ sındarlı köşbasşısı retinde qayta oraldı», – dedi. Ol jäne: «Prezident Tramp osı saparında wlttıq köşbasşı retinde soğıs jäne beybitşilik mäselelerin şeşuge tırısadı», – dedi.

Sonımen, prezidenttikke kelmey twrıp-aq, älemdi dübirge salğan AQŞ prezidenti alğaş ret şeteldegi resmi saparın bügin bastağalı twr. Bwl Tramp ükimetiniñ sırtqı sayasatında äzirge deyin anıq bolmağan keybir isterdi aşıp körsetumen birge, älemdik aqparat keñistigine dübirli oqiğalardı alıp kelu bek mümkin. Tipti, bwl sapar bolaşaq birneşe jılda älemdik mañızdı oqiğalardıñ mwrındığı boları anıq.

"The Qazaq Times"