Foto: www.linkiesta.it

Älemdegi eñ bay 500 adam bir künde qor narığınıñ qwldırauı saldarınan 35 mlrd dollar joğalttı. Bloomberg agenttiginiñ mälimetinşe, bwl AQŞ Prezidenti Donal'd Tramp aynalasındağı dauğa baylanıstı.

Keşe yağni 17 mamır küni amerikalıq qor indeksteri soñğı 8 aydağı eñ tömengi deñgeyge jetken. Mısalı S&P 500 indeksi 1,8%-ğa nemese 2357,2 punktke deyin tömendegen.  Dow Jones-tiñ öndiristik indeksi 1,8%-ğa, NASDAQ-tiki 2,6%-ğa tüsip, 6011,2 punkt boldı, dep habarlaydı Financial Times. Amerikalıq basılımdardıñ aytuınşa, narıqtağı mwnday jağdayğa Donal'd Tramptıñ FBI basşısı Djeyms Komidi qızmetinen bosatuı jäne Resey men Tramp arasındağı baylanıstı tergeu äser etip otır.

Sonımen älemdegi baylardıñ köşbasşısı 86,8 mlrd dolları bar Bill Geyts 1 mlrd dollar joğaltqan. Microsoft korporaciyasınıñ akciyaları 2,8% tömendedi. Amazon-nıñ negizin qalauşı Djeff Bezos kompaniyasınıñ akciyalarınıñ (2,2%) qwldırauınan 1,7 mlrd dollar şığınğa wşıradı. Inditex kompaniyasınıñ iesi (Zara, Massimo Dutti, Bershka) Amansio Orteganıñ qarjısı bir künde 325 mln dollarğa azaydı.

Bwl tizimde Facebook-tiñ negizin qalağan Mark Cukerberg te bar. Äleumettik jeliniñ akciyaları 3,3%-ğa qwldarap, nätijesinde 2 mlrd dollardan ayırıldı.

Financial Times agenttiginiñ jazuınşa, indeksterdiñ qwldırauı «Tramp biligi AQŞ ekonomikalıq ösimin köterude qauraqarsız» ekenin körsetip otır.

Sonday-aq, amerkalıq qor narığınıñ qwldırauı Europa men Aziya jäne damuşı elderdiñ indeksteriniñ tömendeuine äser etken.

“The Qazaq Times”