Resey prezidenti Vladimir Putin AQŞ BAQ ökilderiniñ Donal'd Tramptıñ Sergey Lavrovqa memlekettik qwpiyanı jayıp saldı degen ayıbın «sayasi şizofreniya» dedi.

Italiya prem'mer-ministri Paolo Djentilonimen kezdesuden keyin baspasöz mäslihatın ötkizgen Vladimir Putin, «Tramp pen Lavrovtıñ kezdesuinen keyin AQŞ-ta bolıp jatqan oqiğalardı «sayasi şizofreniya» deuden basqa eş närse dep ayta almaymın. Egerde AQŞ administraciyası qalasa, biz Tramp pen Lavrov arasındağı kelissözdiñ jazbasın beruge dayınbız.» dedi.

Seysenbi küni AQŞ-tıñ Washington Post, New York Times sındı bir qatar basılımdarı Donal'd Tramp, RF sırtqı ister ministri Sergey Lavrovpen kezdesuinde memlekettik qwpiyağa ie aqparattı aytıp qoydı degen aqparat taratqan.

Al öz kezeginde Donal'd Tramp «Islam memleketi» lañkestik wyımımen küreste, AQŞ-tıñ prezidenti retinde Reseymen qwpiya aqparattarmen bölisuge qwqı bar ekendigin aytqan bolatın.

“The Qazaq Times”