Foto: Deagel.com

AQŞ pen Resey äskeri wşaqtarı bir aptada eki ret wşırasıp qaldı. Bwl jolı eki eldiñ äskeri wşaqtarı 12 metrge deyin jaqındap keldi. AQŞ Teñiz armiyasınıñ habarlauınşa, 12 mamır küni Qarateñiz keñistiginde Reseydiñ Su-27 joyğış wşağımen AQŞ-tıñ P-8 süñguir qayıqqa qarsı şarlauşı wşağına kezdesip qalğan. Bwl älem aqparat keñistiginde eki el wşağınıñ bir aptada eki ret «tosın da äserli kezdesui» dep ataldı.

13 mamır küni, Resey Sırtqı ister ministri Sergey Lavrov Amerikağa jasağan saparın ayaqtap, eline qaytqalı twrğan edi. Tipti, bwl saparda eki jaqtı qarım-qatınastardı jaqsartu turasında da kelissözder jasalğan bolatın. Reseydiñ «TASS» aqparattıq agenttigi 14 mamır küni Fox News-ke bergen aqparatında da osı turalı aytıldı. Onda AQŞ Teñiz armiyasınıñ habarlamasına silteme jasalğan: «12 mamır küni AQŞ P-8 şarlauşı wşağı, Qırım jağalauına 160 şaqırım qaşıqtıqtağı Qarateñiz halıqaralıq äue keñistiginen wşıp ötti» dep mälimdegen bolatın.

Resey jibergen Su-27 joyğış wşağı men AQŞ  P-8 şarlauşı wşağı keñistikte iıq tirese wşqan. Tipti eki wşaqtıñ arası 12-aq metrge deyin jaqın kelgen. AQŞ Teñiz armiya jağı Reseydiñ bwl äreketi tolıqtay arandatuşılıq dep ayıptap otır. Olar reseylik Su-27 wşağınıñ özimen birge äue zımıranın da alıp jürgenin atap ayttı. Biraq, bwl turalı Resey Qorğanıs ministri älige deyin mälimet bermey otır.

“The Qazaq Times”