Armeniya qarulı küşteri. Foto: gazeta.ru

Äzerbayjan Sırtqı ister ministrligi Armeniyanıñ arandatuşılıq äreketiniñ artıp otırğanına baylanıstı Azerbayjan tarapınıñ alañdauşılığın bildiredi. Sebebi, Armeniya beybitşilikti saqtauğa negizdelip, Venada, Sankt-Peterburgte ötkizilgen kelisimderdi, qayşılıqtıñ adın-aluğa bağıttalğan şarttadı bwzıp otır.

Bıltırğı jıldıñ soñğı künderi, yağni 2016 jılı 29 jeltoqsanda Armeniya qarulı küşteriniñ barlauşı-diversanttar tobı armyan-äzerbayjan memlekettik şekarasın bwzıp, keezekti arandatuşılıq ärekteke bardı. Alayda, armyan barlauşı-diversanttar tobınıñ bwl qasköyligi alısqa barğan joq. Qarsılıqqa tap bolıp, qatarlarınan adam joğaltıp, keri şeginuge mäjbür boldı.  Olarğa qaytarma soqqı berude Äzarbayjan qarulı küşteriniñ jauıngeri Çingiz Gurbanov qaza taptı. Onıñ denesin armyandar öz jaqtarına alıp ketti.

Armyan tarapı öz äreketterin jasıru üşin, jauapkerşiliten qaşıp otır. Olar halıqaralıq zañ-normalarına qayşı kelip, şekara bwzğan qılmıstarın jasıruda. Olar sol maqsatta jauıngerdiñ denesin fotoğa tüsirip, äleumettik jelide jariyalap, moral'dik-etikalıq normanı bwzuğa dayın. Sol arqılı adamgerşilik qwndılıqtan bezip, las nasihai pen jalğan aqpar taratpaqşı.

Bıltır säuir ayında Armeniya tarapınıñ şekara bwzuınan bolğan soğısta da osınday jağday bolğan. Armyandar qaza bolğan azerbayjandıq jauınger Mubariz Ibragimovtıñ denesin bermey qoyğan. Onı fotoğa tüsirip, armyan BAQ-tarında, äleumettik jelilerde jariyaladı. Keyin jauıngerdiñ denesinen vandalizm belgileri tabıldı. Soñınan halıqaralıq taraptıñ qısımnıñ nätijesinde jauıngerdiñ denesi Azerbayjanğa qaytarıldı.

Armeniya Respublikası halıqaralıq gumanitarlıq qwqıqtardı bwzıp, soğısta ölgen jauıngerlerdiñ denesine vandalizm jasau arqılı mäseleni teris bwğısı keledi. Sol arqılı halıqaralıq sayasi saudagerlik jasaydı. Biz halıqaralıq gumanitarlıq wyımdar, sonıñ işinde izgilik men qayırımdılıqtı tu ekten Qızıl krest wyımı dereu tiisti şaralar qabıldap, jauınger Çingiz Gurbanovtıñ denesin Azerbayjanğa qayratuğa qol wşın sozadı dep ümit etemiz.

Atalğan oqiğa boyınşa Wjımdıq qauipsizdik şartı wyımınıñ bas hatşısı Nikolay Bordyuja öz ökilettiligin asıra paydalanıp äri oqiğanıñ öñin aynaldırıp körsetuge tırısuda. Ol, atalğan oqiğa, Armeniya jerinde boldı deydi. Sonday-aq, Armeniyanıñ Azerbayjan jerinde basıp alğan, özderin «Taulı-Qarabah respublikası» dep ataytın jasandı jüyege nazar audarıp, Äzerbayjannıñ territoriyalıq twtastığı men halıqaralıq deñgeydegi şekarasına senimsizdik tanıttı. Wjımdıq qauipsizdik şartı wyımınıñ bas hatşısınıñ bwl wstanımı OBSE tarapınan Minskide ötetin kelissözderdi, armyan-äzerbayjan arasındağı Taulı Qarabah qayşılığın şeşuge arnalğan qadamdarğa keri äser etuge qızmet etedi. Sonımen birge, wyımğa müşe, Äzerbayjannıñ territriyalıq twtastığın qoldauşı elderdiñ jekköruşiligin tudıradı. N.Bordyuja bwrın da osınday aldın-ala dayarlağan mälimdemeler jasap kelgen.

Armeniyanıñ bwl äreketi armyan-azerbayjan şekarasında kezekti qaqtığısqa jol aşadı. Bwnday özgeşe täsilder Armeniyağa N.Bardyuja sekildi sayasatkerlerdiñ nazarın audarıp, WQŞW sekildi wyımdı qaqtığısqa tartadı. Sol arqılı aymaqtağı sayasi jağdaydıñ şielenisip, öñirlik qauipsizdik pen twraqsızdıqtıñ wlğayuına may qwyadı.

Biz N.Bardyujanıñ bwnday jauapkerşilikten jwrday mälimdemesin qabıldamaymız äri wyımğa müşe elderdiñ oğan degen bağasın kütemiz.

Äzerbayjan Respublikası Armeniyanıñ Azerbayjanğa qarsı agressiyası, armyan qarulı küşteriniñ Äzerbayjannan zañsız basıp alğan aumaqtağı zañsız kiligui - qaqtığıs aymağındağı jağdaydı uşıqtırudıñ äri sayasi jağdaydı twraqtandırudıñ aldın-alatın birden-bir sebep ekenin äldeneşe ret mälimdegen bolatın.

Äzerbayjan Respublikası halıqaralıq qauımdastıqtı Armeniyanı beybitşilikke keluge äri odan BWW Qauipsizdik Keñesiniñ qararın atqarudı talap etuge şaqıradı.

 “The Qazaq Times”