Saud Arabiyasınıñ mwrager hanzadası. Foto: Parstoday

Saud Arabiyasınıñ mwrager hanzadası äri Qorğanıs ministri Mwhammad Bin Salman «äl-Arabiya» telearnasına bergen swhbatında: « Biz Yemenmen amalsızdan soğıstıq. Saud Arabiya men Iran eşqaşan tüsinistik taba almaydı», – degen pikir bildirdi. Bwl turalı «Pars.AQPARAT» agenttigi habarlap otır.

Atalğan agenttiktiñ habarlauınşa Saud Arabiya Iranğa aşıqtan aşıq jaulıq poziciya wstanıp otır eken. Öz swhbatında Arabiyanıñ mwrager hanzadası Mısırmen arazdasıp otırğanın teriske şığarıp: «Mısır men Saud Arabiyası arasında eşqanday bir kelispeuşilik joq. Bwl tek Iran jaqtıñ şığarıp otırğan qaueseti», – degen eken.

Iran tarabı Arabiyadan keletin barlıq qısımdarğa säl qaramaytını anıq. Eki el Orta-Şığıs şielenisterinde bir-birin sebepker etip körsetuge tırısıp keledi. Eki memleket arasındağı tirestiñ äli de tolastamaytını, tipti ğasırlıq küresterge wlasuı mümkin ekeni anıq. Sonıñ eñ bastı sebebiniñ biri nanım men senim ayırmaşılığınan  kelip şığuda.

Arab hanzadası irandıqtar Iran islam revolyuciyasınan keyin damudan kende qaldı dep qaraydı. Bwl söz Iran aqparattıq qwraldarında küşti ayıptaularğa wşırap jatır. Orta-Şığıs janjaldarında arab eli Irandı bastı sebepker etip körsetse, al Iran jağı kerisinşe arabtardı kinäli dep körsetedi. Yemendegi qırğınşılıqtıñ bastı qandı qolı Saud rejimi dep körsetedi.

"The Qazaq Times"