اراب حانزاداسى: يرانمەن ەشقاشان تۇسىنىستىككە قول جەتكىزە المايمىز

ساۋد ارابياسىنىڭ مۇراگەر حانزاداسى ءارى قورعانىس ءمينيسترى مۇحامماد بين سالمان «ءال-ارابيا» تەلەارناسىنا بەرگەن سۇحباتىندا: « ءبىز يەمەنمەن امالسىزدان سوعىستىق. ساۋد ارابيا مەن يران ەشقاشان تۇسىنىستىك تابا المايدى»، – دەگەن پىكىر ءبىلدىردى. بۇل تۋرالى «پارس.اقپارات» اگەنتتىگى حابارلاپ وتىر.

اتالعان اگەنتتىكتىڭ حابارلاۋىنشا ساۋد ارابيا يرانعا اشىقتان اشىق جاۋلىق پوزيتسيا ۇستانىپ وتىر ەكەن. ءوز سۇحباتىندا ارابيانىڭ مۇراگەر حانزاداسى مىسىرمەن ارازداسىپ وتىرعانىن تەرىسكە شىعارىپ: «مىسىر مەن ساۋد ارابياسى اراسىندا ەشقانداي ءبىر كەلىسپەۋشىلىك جوق. بۇل تەك يران جاقتىڭ شىعارىپ وتىرعان قاۋەسەتى»، – دەگەن ەكەن.

يران تارابى ارابيادان كەلەتىن بارلىق قىسىمدارعا ءسال قارامايتىنى انىق. ەكى ەل ورتا-شىعىس شيەلەنىستەرىندە ءبىر-ءبىرىن سەبەپكەر ەتىپ كورسەتۋگە تىرىسىپ كەلەدى. ەكى مەملەكەت اراسىنداعى تىرەستىڭ ءالى دە تولاستامايتىنى، ءتىپتى عاسىرلىق كۇرەستەرگە ۇلاسۋى مۇمكىن ەكەنى انىق. سونىڭ ەڭ باستى سەبەبىنىڭ ءبىرى نانىم مەن سەنىم ايىرماشىلىعىنان  كەلىپ شىعۋدا.

اراب حانزاداسى يراندىقتار يران يسلام رەۆوليۋتسياسىنان كەيىن دامۋدان كەندە قالدى دەپ قارايدى. بۇل ءسوز يران اقپاراتتىق قۇرالدارىندا كۇشتى ايىپتاۋلارعا ۇشىراپ جاتىر. ورتا-شىعىس جانجالدارىندا اراب ەلى يراندى باستى سەبەپكەر ەتىپ كورسەتسە، ال يران جاعى كەرىسىنشە ارابتاردى كىنالى دەپ كورسەتەدى. يەمەندەگى قىرعىنشىلىقتىڭ باستى قاندى قولى ساۋد رەجيمى دەپ كورسەتەدى.

"The Qazaq Times"