Foto: RIA Novosti

Seysmologtardıñ eskertuinşe, Çilidiñ astanası Sant'yago qalasında jaqın arada joyqın jer silkinisi boluı mümkin. Bwl zilzalağa baylanıstı boljamdar Earth and Planetary Science Letters basılımında jariyalandı.

Oñtüstik Amerikada soñğı birneşe onjıldıqtarda bolmağan  zilzalanıñ negizgi sebepteriniñ biri – mwhitastı Naska taqtası qwrlıqtıñ astına ülken jıldamdıqpen (jılına 80 millimetr) enip keledi. Al tağı bir boljam boyınşa, Naska taqtasınıñ qwrlıqpen şektesuinen And tauınıñ qabatı qalıñdap, biikteuine baylanıstı qwrlıq taqtası jıljıdı. Ğalımdar keltirip otırğan soñğı derekte – mwhitastı janartaulardıñ payda boluı da joyqın zilzala tudıruı mümkin.

Al adamzat tarihındağı jer silkinisinen bolğan eñ ülken apat 1960 jılı Sant'yago qalasınıñ oñtüstigine qaray 570 şaqırım jerde tirkelgen. Zilzalanıñ magnitudası 9,5 ballğa jetken bolatın.

“The Qazaq Times”