فوتو: ريا نوۆوستي

سەيسمولوگتاردىڭ ەسكەرتۋىنشە، ءچيليدىڭ استاناسى سانتياگو قالاسىندا جاقىن ارادا جويقىن جەر سىلكىنىسى بولۋى مۇمكىن. بۇل زىلزالاعا بايلانىستى بولجامدار Earth and Planetary Science Letters باسىلىمىندا جاريالاندى.

وڭتۇستىك امەريكادا سوڭعى بىرنەشە ونجىلدىقتاردا بولماعان  ءزىلزالانىڭ نەگىزگى سەبەپتەرىنىڭ ءبىرى – مۇحيتاستى ناسكا تاقتاسى قۇرلىقتىڭ استىنا ۇلكەن جىلدامدىقپەن (جىلىنا 80 ميلليمەتر) ەنىپ كەلەدى. ال تاعى ءبىر بولجام بويىنشا، ناسكا تاقتاسىنىڭ قۇرلىقپەن شەكتەسۋىنەن اند تاۋىنىڭ قاباتى قالىڭداپ، بيىكتەۋىنە بايلانىستى قۇرلىق تاقتاسى جىلجىدى. عالىمدار كەلتىرىپ وتىرعان سوڭعى دەرەكتە – مۇحيتاستى جانارتاۋلاردىڭ پايدا بولۋى دا جويقىن ءزىلزالا تۋدىرۋى مۇمكىن.

ال ادامزات تاريحىنداعى جەر سىلكىنىسىنەن بولعان ەڭ ۇلكەن اپات 1960 جىلى سانتياگو قالاسىنىڭ وڭتۇستىگىنە قاراي 570 شاقىرىم جەردە تىركەلگەن. ءزىلزالانىڭ ماگنيتۋداسى 9,5 باللعا جەتكەن بولاتىن.

“The Qazaq Times”