Foto: RIA

Türkimenstannıñ astanası Aşhabadta Ortalıq Aziya elderiniñ Sırtqı ister ministrleriniñ qatısuımen qatısuımen «Ortalıq Aziya elderi men Japoniya» dialogınıñ altınşı otırısı öz jwmısın bastadı. Bwl turalı RIA-Novosti aqparat agenttigine silteme jasap "Fars" baspasöziniñ resmi saytında jazıldı.

Aşhabadta Qazaqstan, Qırğız Respublikası, Täjikstan, Özbekstan, Türkimenstan jäne Japoniya Sırtqı ister ministrleri qatısatın atalmış otırıs Ortalıq Aziya elderi men Japoniyanıñ aymaq qauipsizdigin qamtamasız etu, eki jaqtı sauda jäne ekonomikalıq ıntımaqtastıqtar men investiciyalıq jobalar, sonımen birge mädeni jäne gumanitarlıq ıntımaqtastıqtardı damıtudı qarastıradı. Osı salada Türkimenstan Sırtqı ister ministrligi otırıstıñ kelesi mañızdı mäselesin Auğanstanda qauipsizdik ornatu jäne klimattıñ özgerui men älemdegi tabiği apattardıñ artuı dep atadı.

Aşhabad «Ortalıq Aziya men Japoniya» dialogın Türkimenstan men Japoniya 1992 jılı diplomatiyalıq qarım-qatınas ornatıp, Japoniya ükimeti bwl künnen 13 jıldan keyin ğana Aşhabadta öz elşiligin aşqan jağdayda qabıldap otır. Bwğan qaramastan Ortalıq Aziya elderi men Japoniya arasındağı kelissözder osıdan 10 jıl bwrın aymaqtıq ıntımaqtastıqtardı keñeytu maqsatında bastalğan bolatın.

Ortalıq Aziya men Kavkaz respublikaları basşılarınıñ wstanımdarına jasağan şolu bwl elderdiñ ekonomikalıq jağdayı jaqsı eldermen ıntımaqtastığın keñeytudi bastı mäsele sanaytındığın körsetti. Negizinde Ortalıq Aziya respublikaları ekonomika men halıqaralıq senimdi valyutanınıñ tapşılığınan tuındağan qiındıqtarımen birge qajet mamandardıñ joqtığı, basqarudağı kemşilikter,  jüyeli bağdarlamanıñ bolmauı sındı mäselelermen betpe-bet kelude.

Ortalıq Aziya elderi mamandardı jetildireumen birge investiciyağa ie eldermen ıntımaqtastıq jasaudı közdeude. Japoniya bwl elderdiñ ekonomikalıq jwmıstarın iske qosuğa qajet investiciya men mamandarğa ie önerkäsiptik memleketterdiñ biri sanaladı. Biraq Japoniya ükimeti älemniñ ärtürli aymaqtarındağı ekonomikalıq jobalarğa qatısu salasında şekteuliktermen kezigude. Osığan oray Ortalıq Aziya elderi basşıları üşin Japoniyamen ıntımaqtastıq ornatu öte mañızdı. Alayda japoniyalıq mamandar ekonomikalıq jäne investiciyalıq mükmindikterge ie bolğanımen, mädeni twrğıdan Ortalıq Aziya elderiniñ mwsılman halıqtarı üşin bögde bolıp tabıladı. Osı mäsele atalmış memleketterdiñ Japoniyamen ıntımaqtastıq ornatuı üşin şekteu qoyuda.

Ortalıq Aziya respublikalarınıñ mäselelerin şekaralas äri täuelsiz Iran sındı elderdiñ kömegimen şeşuge boladı. Iran salıstırmalı türdegi ekonomikalıq artıqşılıqtarğa ie boluımen birge şikizat jäne ken salalarında qajet mamndarğa da ie. Sondıqtan atalmış elderdiñ qiındıqtarınıñ köbin şeşe aladı. Sonday-aq Irannıñ Japoniyanıñ şekteulerindey şekteuleri joq. Sol sebepti, Ortalıq Aziya men Kavkaz elderiniñ qajettilikterin qamtamasız ete aladı.

The Qazaq Times