قازاقستانداعى ساياسي شەرۋلەر مەن ميتينگتەردە بوساتىلۋى تالاپ ەتىلەتىن، قۇقىق قورعاۋشىلار «ساياسي تۇتقىن» سانايتىن بەلسەندى ماكس بوقاەۆ باسقا تۇرمەگە جىبەرىلدى. 134 كۇننەن كەيىن جازاسى اياقتالاتىن بوقاەۆ ازاماتتىق قوعامعا «مويىمايتىن، قايىسپاس ازامات» رەتىندە تانىس تۇلعا.
قازاق حالقىنىڭ «مۇلگىگەن» ساناسىن سىلكىنتكەن جەر داۋى كەزىندە ماحامبەت پەن يساتاي ەسكەرتكىشتەرىنىڭ تۇبىندە ۇلت مۇددەسىن ۇرانداتقانى ءۇشىن بەس جىلعا سوتتالعان اتىراۋلىق بەلسەندى ماكس بوقاەۆ باسقا اباقتىعا اۋىستىرىلدى. اقتوبەدەگى كا-168/2 تۇرمەسىندە وتىرعان ونى 28 قىركۇيەك كۇنى اتىراۋعا ەتاپپەن جەتكىزگەن. بۇل جونىندە ازاتتىققا حابارلاعان بەلسەندى تالعات اياننىڭ ايتۋىنشا، «بوقاەۆتى تاڭەرتەڭ ارنايى ۆاگونمەن ماقات ستانساسىنا جەتكىزگەن. كەيىن ماڭعىشلاق - اتىراۋ جولاۋشىلار پوەزىنا سالىپ جىبەرگەن».
«ونىمەن سويلەسۋگە مۇمكىندىك بولمادى. تەك الىستان «ماكس، قال قالاي؟» دەپ امانداستىق. ەندى ول ەكى اپتا كارانتيندە بولادى. اتىراۋداعى ۋگ-157/9 تۇرمەسىندە بولادى، – دەيدى تالعات ايان ازاتتىق راديوسىنا بەرگەن كوممەنتاريىندە.
ايانمەن بىرگە ماكس بوقاەۆتى قارسى الۋعا قۇقىق قورعاۋشىلار اسەل نۇرعازيەۆا مەن داريا ولجاعاليەۆا باردى.
46 جاستاعى ماكس بوقاەۆ پەن تالعات ايان 2016 جىلى جەر ميتينگىسىنەن سوڭ «الەۋمەتتىك ارازدىق تۋدىردى»، «جالعان اقپارات تاراتتى» جانە «ميتينگ وتكىزۋ زاڭدارىن بۇزدى» دەگەن ايىپپەن بەس جىلعا سوتتالعان ەدى. اباقتىعا قامالعان بەلسەندىلەر – ماكس بوقاەۆ پەن تالعات ايانعا قازاق قالامگەرلەرى مەن ازاماتتىق قوعام وكىلدەرى سىرتتاي «حالىق باتىرى» قوعامدىق سىيلىعىن بەرگەن. ازاتتىق دەرەگىنشە, 2021 جىلدىڭ 21 اقپانىندا بوقاەۆتىڭ اباقتىداعى جازا مەرزىمى اياقتالۋى ءتيىس.
ال 2018 جىلى سوت تالعات اياننىڭ تۇرمەدەن مەرزىمىنەن بۇرىن بوساتۋ تۋرالى ءوتىنىشىن قاناعاتتاندىرىپ، ونىڭ جازاسىن شارتتى تۇرگە الماستىرىپ، بىلتىر شىلدەدە ونى جازادان تولىق بوساتتى. ماكس بوقاەۆ «قاماۋدان ۋاقىتىنان بۇرىن شىعۋعا سۇرانبايتىنىن، ءوزىن تولىق اقتاۋدى تالاپ ەتەتىنىن» مالىمدەگەن.
قازاقستاندىق قۇقىق قورعاۋشىلار ماكس بوقاەۆتى «ساياسي تۇتقىندار» تىزىمىنە قوسادى. الايدا اقوردا مەن ۇكىمەت ەلدە ساياسي تۇتقىنداردىڭ جوق ەكەنىن العا تارتادى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى