شقو مەكتەپتەرىندە كوروناۆيرۋس جۇقتىرعان وقۋشىلار انىقتالدى

شقو اۋماعىنا قارايتىن شەمونايحا، التاي جانە كوكپەكتى اۋداندارىنداعى مەكتەپكە بارىپ وقيتىن بالالاردان ۆيرۋس انىقتالدى.

جاڭا وقۋ جىلى باستالعالى بەرى شقو-دا وقۋشىلاردىڭ اراسىندا 4 اۋرۋ جاعدايى تىركەلدى. كوكپەكتى اۋدانىنداعى مەكتەپ 14 كۇنگە كارانتينگە جابىلدى. كوروناۆيرۋس تابىلعان وشاق رەتىندە وقۋ پروتسەسى قاشىقتان وقۋ رەجيمىنە كوشتى.

شەمونايحا اۋدانىنداعى مەكتەپتىڭ 4-سىنىپ، كوكپەكتى اۋدانىنداعى 11-سىنىپ جانە التاي اۋدانىنداعى 2-سىنىپ وقۋشىسىنان COVID-19 ينفەكتسياسى انىقتالعاندىقتان، ءبىلىم مەكەمەلەرىندە ەپيدەمياعا قارسى سانيتارلىق شارالار قولعا الىنعان.

دەنمين مالىمەتىنە سايكەس، قازىرگى تاڭدا قازاقستاندا 36 وسكىنشەك كوروناۆيرۋستان اۋىرىپ جاتىر. كوكتەمگى جانە «ماۋسىم-شىلدەدەگى قىرعىننان» كەيىن ۇكىمەت ازىرگە 2020-2021 وقۋ جىلىنىڭ العاشقى توقسانىن قاشىقتان-ونلاين وقىتۋعا شەشىم قابىلداعان. دەگەنمەن كەزەكشى سىنىپتار مەن شاعىن جيناقتى مەكتەپتەردەگى 800 مىڭداي وقۋشى، اسىرەسە باستاۋىش سىنىپ وقۋشىلارى كۇندەلىكتى قاتىناپ وقىپ جاتىر. ەلىمىزدە جالپى 3,4 ملن وقۋشى بار، ونىڭ 2,6 ملن-ى ۇيدەن، ياعني قاشىقتان ءبىلىم الۋدا.

"The Qazaq Times"