كوروناۆيرۋس قۇرباندارى مىڭعا تايادى

قىتايدا كوروناۆيرۋستان قازا تاپقاندار سانى 908-گە جەتتى.

ولاردىڭ 6 مىڭنان استامى اۋىر حالدە جاتىر. تاعى 29 مىڭنان استام كىسى ىندەت جۇقتىرعان دەگەن قاۋىپپەن تىركەلدى. 2 600-دەي ادام جازىلىپ شىقتى دەسەدى. اۋرۋعا شالدىققاندارمەن بايلانىسقا تۇسكەن 300 مىڭنان استام تۇرعىن باقىلاۋعا الىنعان. جۇقپالى ىندەتتىڭ ەۋروپاعا كەڭىنەن تارالۋ قاۋپى كۇشەيدى. فرانتسيانىڭ كونتامين-مونجۋا تاۋ كۋرورتىندا سينگاپۋرگە بارىپ قايتقان بريتاندىق ازاماتتان 7 ادام قاۋىپتى ۆيرۋستى جۇقتىرعانى انىقتالدى، ونىڭ ءبىرى – بالا.

وقيعاعا بايلانىستى فرانتسۋز بيلىگى 2 مەكتەپتى جاۋىپ، تەكسەرىس جۇرگىزىپ جاتىر. بۇل جونىندە فرانتسيا دەنساۋلىق ساقتاۋ مينيسترلىگىنىڭ وكىلى جەروم سالومون:

- ىندەتتى جۇقتىرعان بالامەن بايلانىسقا تۇسكەن جاسوسپىرىمدەردىڭ العاشقى توبىن تەكسەردىك. بۇگىن، ەرتەڭ تاعى 25 بالا قارالىپ، دەرتكە شالدىققاندارمەن قارىم-قاتىناستا بولعان وزگە دە ادامداردى تەكسەرەتىن بولامىز، - دەدى.

وسىلايشا، فرانتسيادا كوروناۆايرۋستى جۇقتىرعانداردىڭ سانى 11-گە جەتتى. قىتايدىڭ ۋحان قالاسىنان تاعى 35 ازاماتىن ارنايى ۇشاقپەن الىپ قايتتى. ولار فرانتسيانىڭ وڭتۇستىگىندەگى اسكەري بازاعا جەتكىزىلدى. بۇل – فرانتسيانىڭ ۋحاننان ءوز ازاماتتارىن قايتارۋ بويىنشا ءۇشىنشى رەيسى.

“The Qazaq Times”