فوتو: ca-news.

موڭعوليانىڭ ەكس-قارجى ءمينيسترى سانگاجاۆىن بايارسوگت تۇتقىندالدى – دەپ حابارلايدى  ca-news اقپارات اگەنتتىگى.

جەرگىلىكتى باق وكىلدەرىنىڭ مالىمەتىنشە، ەكس-مينيستر ءساۋىر ايىنىڭ 1-ءى كۇنى تۇتقىندالعان. وعان «ويۋ-تولگوي كەن ورنىنىڭ قۇجاتتارىن جاساۋدا قىزمەتىن اسىرا پايدالاندى» - دەگەن ايىپ تاعىلعان. موڭعوليا جەمقورلىققا قارسى باسقارماسىنىڭ حابارلاۋىنشا، سانگاجاۆىن بايارسوگت 2009 جىلى ويۋ-تولگوي كەن تورنىنىڭ 66 پايىز اكتسياسىن اۆستراليا مەن ۇلىبريتانيانىڭ بىرلەسكەن Rio Tinto كونتسەرنىنە تيەسىلى Turquoise Hill كومپانياسىنا ساتقان جانە اتالمىش ساۋدا كەلىسىمى ەل ەكونوميكاسىنا ايتارلىقتاي شىعىن الىپ كەلگەن. سانگاجاۆىن بايارسوگتتان بولەك ويۋ-تولگوي ءىسى بويىنشا 2014-2015 جىلدارى قارجى باسقارماسىنىڭ باسشىسى قىزمەتىن اتقارعان بالدانجاۆىن اريۋنسان مەن «ەردەنەس مونگول» كومپانياسىنىڭ ديرەكتورى ب.بيامباسايحان تۇتقىندالعان.

قازىرگى تاڭدا موڭعوليا جەمقورلىققا قارسى باسقارماسىمەن قاتار شۆەيتساريا باس پروكۋراتۋراسى سانگاجاۆىن بايارسوگتتىڭ ۇستىنەن ەل اۋماعىنداعى بانكترەدىڭ بىرىنە سالىنعان 10 ميلليون دوللار قىرجىعا بايلانىستى قىلمىستىق ءىس قوزعاعان. بايارسوگتتىڭ ءوزى اتالمىش قارجىنىڭ ويۋ-تولگوي ىسىنە قاتىسى جوق ەكەندىگىن ايتقان. ەكس-ءمينيستردىڭ سوزىنشە،10 ميلليون دوللاردى وعان جەكە بيزنەسىن جۇرگىزۋ ءۇشىن ينۆەستورلار بەرگەن.

“The Qazaq Times”