فوتو: كاراۆان

قىرعىزستان سىرتقى ىستەر مينيسترلىگى قازاقستانعا نوتا جىبەردى – دەپ حابارلايدى 24kg اقپارات اگەنتتىگى.

جەرگىلىكتى باق وكىلدەرىنىڭ مالىمەتىنشە، 16 اقپان كۇنى قىرعىزستان سىرتقى ىستەر مينيسترلىگى قازاقستاننىڭ قىرعىزستانداعى ەلشىسى ەرلان ابىشەۆكە شۇعىل نوتا تاپسىرعان. نوتادا قازاقستان تاراپىنان اقپان ايىنىڭ 15-ءى مەن 16-سى كۇندەرى ارالىعىندا ەل اۋماعىندا جۇرگىزىلگەن ارنايى وپەراتسيا بارىسىندا ۇستالعان قىرعىزستان ازاماتتارى جونىندە ماعلۇماتتار بەرۋ سۇرالعان.

ەستەرىڭىزگە سالايىق، 16 اقپان كۇنى قازاقستان باس پروكۋراتۋراسى «الماتى، جامبىل جانە وڭتۇستىك قازاقستان وبلىستارىندا جۇرگىزىلگەن ارنايى وپەراتسيا بارىسىندا ۇستالعان 29 ادامنىڭ ەكەۋى قىرعىزستان ازاماتى» - دەپ حابارلاعان بولاتىن. كەيىننەن قىرعىزستان بۇقارالىق اقپارات قۇرالدارى «قازاقستان اۋماعىندا بولعان ارنايى وپەراتسيا كەزىندە «قىرعىزستان» فراكتسياسىنىڭ دەپۋتاتى دامىربەك اسىلبەكۇلى ۇستالدى» - دەگەن اقپارات تاراتقان.

“The Qazaq Times”