جاۋاپتى مينيسترلىك اۋىل شارۋاشىلىق ونىمدەرىنىڭ كولەمى ارتقانىن مالىمدەدى

2017 جىلدىڭ قاڭتار-قىركۇيەك ايلارىنا اۋىل شارۋاشىلىعى ونىمدەرىنىڭ جالپى كولەمى وتكەن جىلمەن سالىستىرعاندا  2,1%-عا، ازىق-تۇلىك ونىمدەرى 4,9%-عا وسكەن. بۇل تۋرالى قر اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى. 

2017 جىلدىڭ باسىنان 10 قاراشاعا دەيىن 770 كووپەراتيۆ قۇرىلسا، ونىڭ ىشىندە: ءسۇت باعىتىندا – 273, ەت باعىتىندا – 375. سونىمەن قاتار، 109 563 ءمۇيىزدى ءىرى قاراعا ارنالعان 6 627 وتباسىلىق مال بورداقىلاۋ الاڭدارى قۇرىلعان.

مينيسترلىكتىڭ مالىمەتىنشە، مودۋلدىك ءسۇت قابىلداۋ جانە مال سويۋ ستانتسيالارىن، سونداي-اق كووپەراتيۆتەرگە، ولاردىڭ مۇشەلەرىنە باستاپقى كەپىلدىكسىز ءسۇت تاسىعىش پەن توڭازىتقىشتاردى ساتىپ الۋعا سىزبا ەنگىزىلگەن.

سونداي-اق، 15,3 ملن گەكتاردان استىق جانە بۇرشاق داقىلدارى الىنىپ، باستاپقى سالماعى 22,1 ملن توننا استىق باستىرىلدى جانە ورتاشا ەسەپپەن گەكتارىنا 14,4 تسەنتنەر استىق جينالدى.

مينيسترلىكتىڭ مالىمەتىنشە وسى جىلى 3,5 ملن توننا كارتوپ جينالعان جانە بۇل بىلتىرعى جىلمەن سالىستىرعاندا 154 مىڭ تونناعا ارتىق. سونداي-اق، 3,6 ملن توننا كوكونىس (100 مىڭ تونناعا ارتىق), 2,2 ملن توننا باقشا داقىلدارى (126 مىڭ تونناعا ارتىق) جينالعان.

ايتا كەتەيىك، بۇعان دەيىن كارتوپ باعاسى قىس مەزگىلىندە جانە كوكتەمگە قاراي 250-300 تەڭگەگە دەيىن قىمباتتاۋى مۇمكىن ەكەنى ايتىلعان بولاتىن. اگراريلەردىڭ سوزىنشە، بيىل قازاقستاندا دا باسقا ەلدەردە دە  اۋا رايى قولايلى بولماعاندىقتان ەگىن كولەمى كوپ ەمەس. الايدا مينيسترلىك بيىلعى ءونىم بىلتىرعا قاراعاندا ارتىق ەكەنىن ايتىپ وتىر.

“The Qazaq Times”