فوتو: The National Interest

كورەي تۇبەگىنە بەت العان اقش ۇشاق تاسىمالداعىش كەمەلەرى بەينەلەنگەن ۆيدەوروليك جاريالاندى.

قاراشا ايىنىڭ 12-ءسى كۇنى اقش اسكەري تەڭىز كۇشتەرى ءباسپاسوز قىزمەتى «Ronald Reagan»، «Nimitz» جانە «Theodore Roosevelt» ۇشاق تاسىمالداعىش كەمەلەرىنىڭ وڭتۇستىك كورەيا تەڭىز اۋماعىنا كىرۋ ءساتى بەينەلەنگەن ۆيدەوروليك جاريالادى. اقش قارۋلى كۇشتەرىنىڭ جەتىنشى فلوت ءباسپاسوز قىزمەتىنىڭ مالىمەتىنشە، كورەيا تۇبەگىنە كەلگەن اقش اسكەري تەڭىز كۇشتەرىنە تيەسىلى كەمەلەر قاراشا ايىنىڭ 11-ءى مەن 14-ءى كۇندەرى ارالىعاندا وڭتۇستىك كورەيا اسكەريلەرىمەن بىرلەسكەن اسكەري وقۋ-جاتتىعۋ جۇمىستارىنا قاتىساتىن بولادى.

بۇعان دەيىن «Ronald Reagan»، «Nimitz» جانە «Theodore Roosevelt» ۇشاق تاسىمالداعىش كەمەلەرىنىڭ قاتىسۋىمەن بولعان وقۋ-جاتتىعۋ جۇمىستارى 2006-2007 جىلدارى گۋام ارالدارى ماڭىندا وتكەن.

“The Qazaq Times”