الماتىدا جاستاردىڭ ءۇي ساتىپ الۋىنا مۇمكىندىك بەرەتىن باعدارلاما ىسكە قوسىلدى

الماتىدا  جاستارعا ارنالعان «الماتى جاستارى» اتتى جاڭا تۇرعىن ءۇي باعدارلاماسى بارىسىندا 35 جاسقا دەيىنگى الماتىلىقتار جەكە پاتەرگە يە بولۋ ءۇشىن جەڭىلدەتىلگەن زاەمگە قول جەتكىزە الادى. بۇل تۋرالى الماتى اكىمدىگىنىڭ ءباسپاسوز قىزمەتى حابارلادى. 

مۇنداي باعدارلاما «تۇرعىن ءۇي جيناق قۇرىلىس بانكى» اق مەن قالانىڭ تۇرعىن ءۇي جانە تۇرعىن ءۇي ينسپەكتسياسى باسقارماسى اراسىنداعى ىنتىماقتاستىق تۋرالى كەلىسىم بويىنشا جۇزەگە اسىپ وتىر.

«الماتى جاستارى»  باعدارلاماسىنىڭ ارتىقشىلىعى پايىزدىق تولەمنىڭ تومەندىگىندە - كولەمى 10 ملن تەڭگەگە دەيىنگى زاەمعا جىلىنا 5% جەڭىلدىك بەرىلەدى. باعدارلاما بويىنشا نەسيەنى قايتارۋ مەرزىمى تولەم قابىلەتىنە قاراي جەكە جاسالادى،3 جىلدان 25 جىلعا دەيىن.

باعدارلاما اياسىندا جۇمىس ىستەيتىن جاستار ىنتالاندىرىلادى.قالا ۇيىمدارىندا جۇمىس ىستەيتىن جاستاردىڭ ءار جىلىنىڭ وتىلىنە 1 بالل ەسەپتەلەدى، ال ەگەر جاس ادام الەۋمەتتىك سالالادا، مىسالى مەكتەپتە نەمەسە بالا باقشادا ەڭبەك ەستە ونىڭ ەڭبەك ءوتىلىنىڭ بالى ەكى ەسەلەنەدى. الەۋمەتتىك مۇمكىندىگى تومەن جاندار ءۇشىن دە جەڭىلدەتىلگەن جاعداي جاسالعان، ولاردىڭ قاتارىنا كوپ بالالى وتباسىلار، 1 جانە 2 توپ مۇگەدەكتەرى، تولىق ەمەس وتباسىلار، جەتىمدەر جانە باسقالارى كىرەدى.

باعدارلاماعا قاتىسۋ ءۇشىن  10 كۇن  ىشىندە ءوتىنىش بەرۋ قاجەت. ونى ارنايى الماتى جاستارى سايتى ارقىلى جاساۋعا بولادى. اۆتوريزاتسيا ءۇشىن جاقىن ماڭداعى حقكو-دان ەلەكتروندى  تسيفرلى قولتاڭبا  الۋ كەرەك.  ءوتىنىش قابىلداۋ مەرزىمى اياقتالعان سوڭ قاتىسۋشىلاردى ىرىكتەۋ باستالادى. جەڭىلدەتىلگەن نەسيە الۋدىڭ كانديداتتار پۋلىنا الماتىلىق جاستارعا قولداۋ بىلدىرەتىن «الماتى جاستارى» باعدارلاماسىنىڭ بارلىق كريتەريلەرى بويىنشا ارنايى باللدىق جۇيە ارقىلى ىرىكتەلگەندەر ەنەدى. بالعا نەكەدە تۇرعان جىلى، بالالار سانى، جۇمىس ءوتىلى مەن ەڭبەك ەتەتىن جەرى، جەكە  كاسىپكەرلىگى، الماتىدا تىركەلگەن مەرزىمى جانە باسقالارى ىقپال  ەتەدى. پۋل  تولىق جاسالعاننان كەيىن عانا «تۇرعىنقۇرىلىسجيناقبانكى» ءوز جۇمىسىنا كىرىسەدى. ول كانديداتتىڭ تولەم قابىلەتىن تەكسەردى، سونان سوڭ  5 پايىزدىق جەڭىلدەتىلگەن زاەمدى بەرەدى. جاستارعا بەرىلەتىن نەسيەنىڭ  جالپى كولەمى - 10 ملن تەڭگە. زاەم  تەك جاڭا ءۇي ساتىپ الۋعا بەرىلەدى، پاتەردى باعدارلاماعا قاتىسۋشى ءوزى تاڭدايدى.

«الماتى جاستارى»  باعدارلاماسى تۋرالى تولىق مالىمەتتى الماتى قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ سايتىنان جانە «قازاقستاننىڭ تۇرعىنۇيجيناقۇرىلىسبانكى»اق-نىڭ سايتىنان جانە 300 ي 8-8000-801-880 ، +7 (727) 380 05 23, +7 (727) 380 05 02 تەلفوندارى ارقىلى بىلۋگە بولادى.

«الماتى جاستارى» باعدارلاماسىنا قاتىۋشىلارعا قويىلاتىن تالاپتار:

1. ءوتىنىش بەرۋ كەزىدە قاتىسۋشى مەن ونىڭ جۇبايىنىڭ جاسى 35 جاستان اسپاۋى ءتيىس. باعدارلاماعا جۇبايلاردىڭ تەك بىرەۋى عانا قاتىسا الادى;
2. ەرلى-زايىپتىلار مەن ولاردىڭ وتباسى مۇشەلەرىنىڭ (ەگەر ولار وتباسى بولسا) الماتى قالاسىندا 1 جىلدىق تۇراقتى تىركەۋى بولۋى شارت. باعدارلاماعا قاتىسۋشىنىڭ جانە ونىمەن بىرگە تۇراتىن وتباسى مۇشەلەرىنىڭ قازاقستان رەسپۋبليكاسى اۋماعىندا جەكە تۇرعىن نەمەسە ارەندالى ۇيلەرى بولماۋى ءتيىس.
3. باعدارلاماعا قاتىسۋشى قازاقستان رەسپۋبليكاسى اۋماعىندا سوڭعى 5 جىل ىشىندە تۇرعىن ءۇي جاعدايىن ادەيى تومەندەتكەن فاكتىسى  جوق بولعانى ءجون;
4.  جەكە كاسىپكەرلىك بويىنشا كەم دەگەندە جارتى جىلدىق مەملەكەتتىك تىركەۋى بار ءوز بەتىنشە جۇمىس ىستەيتىن قالالىقتار بولۋى كەرەك;
5. قاتىسۋشىنىڭ الماتى قالاسىنداعى جۇمىس ءوتىلى جارتى جىلدان از بولماۋى قاجەت. بۇل تالاپتار الەۋمەتتىك جاعدايى تومەن جاندارعا جۇرمەيدى، ولار:

• 1 جانە 2 توپ مۇگەدەكتەرى;
• مۇگەدەك بالالارى بار جانە ولاردى تاربيەلەۋشى وتباسىلار;
• اتا-انا قاراۋىنسىز قالعان جەتىمدەر;
• 4 جانە ودان دا كوپ كامەلەكەتكە جەتپەگەن بالالارى بار وتباسىلار;
• 1 جانە ودان كوپ بالالارى بار تولىق ەمەس وتباسىلار;

“The Qazaq Times”