شەشەنستان بيلىگى ياروسلاۆ وبلىسىندا يوسيف ستالين ەسكەرتكىشىن ورناتۋعا تىيىم سالۋعا بايلانىستى زاڭ جوباسىن قولدايتىنىن ءبىلدىردى – دەپ حابارلايدى ۆۆس اقپارات قىزمەتى.
ناۋرىز ايىندا ياروسلاۆ وبلىستىق دۋماسىنىڭ دەپۋتاتتارى سەرگەي بالاباەۆ پەن ۆاسيلي تسەپەندا ايماقتىق پارلامەنتكە وبلىس اۋماعىندا ستالين ەسكەرتكىشتەرىن ورناتۋعا تىيىم سالاتىن زاڭ جوباسىن ۇسىنعان. بىراق ايماقتىق پارلامەنت قوس دەپۋتاتتىڭ بۇل ۇسىنىستارىن قابىلداماي تاستاعان.
وسىعان بايلانىستى زاڭ جوباسىن قولداعان شەشەنستان پرەزيدەنتى اكىمشىلىگىنىڭ باسشىسى ۆاحيت ۋسماەۆتىڭ قولى قويىلعان حات ياروسلاۆلگە ءساۋىر ايىنىڭ 26-سى كۇنى جىبەرىلگەن. بىراق وبلىستىق دۋما زاڭ جوباسىن 25 ءساۋىر كۇنى قابىلداماي تاستاعاندىعىنا بايلانىستى حاتقا ماردىمدى جاۋاپ بەرمەگەن. جاقىندا بالاباەۆ پەن تسەپەندا شەشەنستان بيلىگىنىڭ قولداۋىمەن اتالمىش زاڭ جوباسىن فەدەراتسيا دەڭگەيىندە قايتادان تالقىلاۋعا ۇسىنىپ كورەتىندەرىن مالىمدەگەن.
شەشەنستان پرەزيدەنتى اكىمشىلىگىنىڭ حابارلاۋىنشا، ءستاليننىڭ ەسكەرتكىشتەرىن ورناتۋعا تىيىم سالاتىن زاڭ جوباسىن قولداۋعا، ونىڭ قابىلدانۋىنا اتسالىسۋعا ەل باسشىسى رامزان كادىروۆ تاپسىرما بەرگەن. بۇعان دەيىن كادىروۆ ستالينگە بايلانىستى ءوزىنىڭ Instagram پاراقشاسىندا: «وسىدان 62 جىل بۇرىن يوسيف ستالين شەشەندەر مەن ينگۋشتاردى دەپورتاتسيالاۋعا تاپسىرما بەرگەن. ونى لاۆرەنتي بەريا ورىنداعان. بۇل ەكەۋىن وسى ءىسى ءۇشىن شەشەن حالقى عاسىرلار بويى قارعاپ وتەدى» - دەپ جازعان.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى