«Borat-2» fil'mine qarsı wltjandı azamattar AQŞ konsuldığına peticiya tapsırdı.

Bügin, 23 qazan jwma küni Almatıdağı AQŞ konsuldığınıñ aldına bir top belsendi jäne wltjandı azamattar jinalıp, AQŞ-tıñ Almatıdağı bas konsulı Erik Mayer mırzağa narazılıq hatın tapsırdı.

Peticiyada bılay delingen:

«Qwrmetti konsul mırza! Qazaqtıñ namısşıl patriod jastarı qazaq wltın masqaralap, elimizdiñ abroyın tüsirip, tarihımızğa, mädenietimizge orasan zor nwqsan keltirip otırğan Saşa Baron Koenniñ «Borat-2» fil'miniñ körsetilimge şığuına tübegeyli qarsı ekenin jetkizedi. Sayqımazaq tüsirgen atalmış fil'm AQŞ-tıñ amazon.com platforması arqılı köpşilik halıqqa tarap körsetilude, sol sebepti egemen eldiñ namısşıl jastarı retinde AQŞ-tıñ elşiligi tarapınan qatañ şara qoldanıp, akterdiñ jäne barlıq wyımdastıruşılardıñ qazaq halqınan keşirim swrauın talap etimiz. Sonımen qatar, täuelsiz qazaq eliniñ bayrağın jerge taptağanı jäne wlt qauipsizdigine keltirgen ziyanı üşin zañ jüzinde naqtı şaralar qoldanıluın talap etemiz. Biz qazaq jastarı wltımızdı qorlauğa, til tigizuge jol bermeymiz!».

Narazılıq hatın «Namıs» qozğalısınıñ ökilderi Azamat Ğalımjan jäne Maqsat Mamadiyarov qatarlı azamattar aparıp tapsırğan. Olardıñ redakciyağa bergen mälimetine qarağanda, konsuldıq tarapınan Anon esimdi ökili kezdesip, narazılıq hatın qabıldap alğan. Sonday-aq, qazaqstandıqtardıñ narazılığınan habardar ekenin, aldağı uaqıtta narazılıq hatında qoyılğan talaptar boyınşa jwmıs jürgizuge söz bergen.

“The Qazaq Times”