رەسەي كۇشتەرى ۋكرايناعا اسىپ كىرگەننەن كەيىن باتىس ەلدەرى رەسەيگە قاراتا قاتاڭ سانكتسيالار سالدى. قازىر ەۋروپا وداعى رەسەيگە قاراتا التىنشى سانكتسيالار پاكەتىن جاريالاۋ الدىندا. رەسەي بۇعان قارسى ءوزىنىڭ جاۋاپ سانكتسيالارىن جاريالاعان بولاتىن. رەسەي پرەزيدەنتى سانكتسيانى ۇلعايتاتىن جاڭا قاۋلىعا قول قويدى.

رەسەيدىڭ سانكتسيا ءتىزىمى "دوستىققا جات" تۇلعالار مەن ۇيىمدارعا باعىتتالادى. بۇلار نەگىزىنەن رەسەيگە قارسى سانكتسيا بەكىتۋگە جانە جۇزەگە اسىرۋعا ىقپال ەتۋشى تۇلعالار مەن ۇيىمداردى قامتيدى. پۋتين قول قويعان قاۋلى بويىنشا ەندى اتالعان سانكتسياعا ىلىنگەن تۇلعالار مەن ۇيىمدار رەسەي ءۇشىن "دوستىققا جات" دەپ تابىلادى جانە ولارعا شيكىزات پەن وندىمدەر ەكسپورتتالمايدى. رەسەي ازاماتتارىنىڭ دا ولارمەن جۇمىس ىستەۋىنە شەكتەۋ قويىلادى.

پۋتين قول قويعان قاۋلى بويىنشا سانكتسيا مەن ونىڭ نىساناسىن بەلگىلەۋ ءۇشىن ۇكىمەتكە 10 كۇن ۋاقىت بەرىلدى.

The Qazaq Times