تولاسسىز اتىس بولىپ جاتقان ۋكراينانىڭ زاپوروجە وبىلسىنداعى اتوم ەلەكتر ستانتسياسىندا ءورت شىقتى. قازىر اتىس توقتالىلىپ، ءورت وشىرۋگە كىرىسىپ جاتقانىن ەنەرگودار قالاسىنىڭ مەرى دميتري ورلوۆ مالىمدەدى. زاپوروجەدەگى اەس ەۋروپاداعى ەڭ ءىرى ستانتسيا بولىپ سانالادى.
ەنەرگودار ماڭىندا سۇراپىل اتىستىڭ بولىپ جاتقانى تۋرالى قالا مەرى ءبىر كۇن بۇرىن دا مالىمدەمە جاساپ، اەس-ءتىڭ قاۋىپسىزدىگىنە قاتىستى الاڭداۋشىلىق بىلدىرگەن. سول كۇنى رەسەيلىك تانكتەر قالاعا كىرىپ، اەس-ءتى ءوزى باقىلاۋىنا الۋعا كۇش سالعانى ايتىلادى. جۇما كۇنى اەس ماڭىنداعى عيماراتتار توقتاۋسىز اتقىلاۋدان ورتكە ورانعانى ءمالىم بولدى.
رەسەي كۇشتەرى اەس-كە باعىتتاپ وق اتقانى تۋرالى مالىمەتتەردى ستانتسيا قىزمەتكەرلەرى الەۋمەتتىك جەلىلەرگە جازعان، كەيبىرى ۆيدەولارمەن دە بولىسكەن. ال، ۋكراينا ءسىم باسشىسى دميتري كۋلەبا «تۆيتتەر» پاراقشاسىنا: «رەسەي ارمياسى ەۋروپاداعى ەڭ ءىرى اەس-كە ءار تاراپتان وق اتىپ جاتىر»، – جازدى.
مالىمەتتەرگە قاراعاندا، وق اتىسۋ ستانتسيا ماڭىنداعى ءورتتى سوندىرۋگە ۇلكەن كەدەرگى كەلتىرۋدە.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى