البانيا كانديداتتاردىڭ جوقتىعىنان پرەزيدەنتىن سايلاي الماي وتىر

قازىرگى بيلىكتەگى پرەمەر-مينيستر ەدي رامانىڭ پارتياسى العاشقى سايلاۋعا وزدەرىنىڭ كانديداتتارىن ۇسىنۋدان باس تارتقاندىقتان البانيا پارلامەنتى پرەزيدەنتتىككە لايىقتى ۇمىتكەرلەردى تابا الماي وتىر دەپ حابارلايدى  فرانس پرەسس اگەنتتىگى. 

پارلامەنت توراعاسى يلير مەتا بۇل جاعدايعا بايلانىستى: ء"بىزدىڭ ماقساتىمىز - البانيانىڭ بارلىق ساياسي كۇشتەرىمەن ورتاق كەلىسىمگە قول جەتكىزۋ ءۇشىن جاڭا پرەزيدەنتتى سايلاۋ تۋرالى ماسەلە بويىنشا وپپوزيتسيامەن ورتاق كەلىسىمگە كەلۋ بولىپ وتىر" - دەپ، مالىمدەگەن.

اگەنتتىكتىڭ اقپاراتىنا سايكەس ەگەر كانديدات سايلاۋعا تۇسەتىن بولسا، ول جەڭىسكە جەتۋ ءۇشىن 140 دەپۋتاتتىڭ كەمى 84-ءىنىڭ داۋىسىن جيناۋى ءتيىس. ال سايلاۋدىڭ بارلىق بەس كەزەڭىندە ەل پارلامەنتى كانديدات ۇسىنباي نەمەسە سايلاۋعا قاتىساتىن كانديداتتار تابىلماسا، قازىرگى پارلامەنتتى تاراتىپ جىبەرەدى.

البانيانىڭ وپپوزيتسياسى اقپاننىڭ ورتاسىنان بەرى ءادىل پرەزيدەنت سايلاۋىن ۇيىمداستىرۋ ءۇشىن وتپەلى ۇكىمەتتى شاقىتۋىن تالاپ ەتىپ وتىر.

“The Qazaq Times”