جامبىل وبلىسى بايزاق اۋدانىندا بولعان جارىلىستان 15 ادامنىڭ مۇردەسى تابىلىپ، مارقۇمداردىڭ اتى-ءجونى ناقتىلاندى.

ءتۇر-ءتۇسىن تانۋعا كەلمەيتىن 3 مۇردەنىڭ دنق سىناما ۇلگىلەرى شىمكەنت قالاسىنداعى زەرتحاناسىندا تالدانىپ، قورىتىندىسى سەيسەنبى كۇنى ساعات 10.20-دا تۋىستارىنا ايتىلدى. ءمايىتحانا الدىنا جينالعان مارقۇمداردىڭ جاقىندارىنا ءۇش ازاماتتىڭ ناقتىلانعان جەكە دەرى حابارلاندى.

تج قىزمەتىنىڭ كوپشىلىك ورتاسىندا ايتقان سوزىنە قاراعاندا، ءۇش قىزمەتكەر، ولار – 25 جاستاعى ادىلەت ادىلبەك قاناتۇلى، 22 جاستاعى كەڭەس ءالىبي بەكسۇلتانۇلى، 26 جاستاعى قۋاتبەك گافان جومارتۇلى.

دۇيسەنبى كەشكە قاراي №3 ءورت ءسوندىرۋ ءبولىمىنىڭ قاراۋىل باسشىسى، جۋىردا 41 جاسقا تولعان مايور زايكين سەرگەي ءۆلاديميروۆيچتىڭ دەنەسى تابىلعان. ونى جولداسى قولىنداعى نەكە جۇزىگىنەن تانىعان.

ءولىمى  ناقتىلانعاندار:

  1. ەفرەيتور ر.س.جانبولاتوۆ – 40 جاستا
  2. سەرجانت م.س.مەرشىمباي – 40 جاستا
  3. ستارشينا ە.ە.نادىربەكوۆ – 41 جاستا
  4. ازاماتتىق قىزمەتكەر و.د.دالىباەۆ – 59 جاستا
  5. وڭتۇستىك ءوڭىردىڭ اسكەري پروكۋرورى ا.ق.قاپەزوۆ – 44 جاستا
  6. سەرجانت-ءورت ءسوندىرۋشى ا.س.تەمىربولاتوۆ – 28 جاستا
  7. پولكوۆنيك م.ك.ايمانوۆ – 45 جاستا
  8. پودپولكوۆنيك ا.ن.ميكروپۋلو – 50 جاستا
  9. سەرجانت، اعا ءورت قۇتقارۋشىسى ە.ق.ساندىباەۆ – 30 جاستا
  10. سەرجانت، اعا ءورت قۇتقارۋشىسى ت.ق.تورەبەكوۆ – 40 جاستا
  11. مايور س.ج.الىمبەكوۆ – 36 جاستا
  12. مايور، قاراۋىل باسشىسى س.ۆ.زايكين – 41 جاستا
  13. اعا سەرجانت، جۇرگىزۋشى گ.ج.قۋاتبەك – 26 جاستا
  14. قاتارداعى ءورت ءسوندىرۋشى ءا.ب.كەڭەس – 22 جاستا
  15. كىشى سەرجانت، ءورت قۇتقارۋشىسى ءا.ق.ادىلبەك – 25 جاستا

قازىرگى تاڭدا وقيعا ورنىندا بولعان 16-شى قىزمەتكەر، 33 جاستاعى كىشى سەرجانت باۋىرجان داۋىتباەۆ تالعاتۇلىن ىزدەستىرۋ ءجۇرىپ جاتىر. ونىڭ ءۇش ۇلى جانە ءبىر قىزى بار، سونداي-اق ايەلى بەسىنشى پەرزەنتىنە اياعى اۋىر.

بۇل ءۇش مارقۇمنىڭ جەكە دەرەگى دۇيسەنبى بەلگىلى بولعان. قورعانىس مينيسترلىگىنىڭ باس ينسپەكتسيا باسقارماسىنىڭ باسشىسى جۇمابەك حاسەنوۆ باۋىرىن ىزدەگەن قىزمەتكەرلەردىڭ تۋىستارى مەن سونداعى QT تىلشىسىنە كەشە، 30 تامىز كەشكە دەيىن حابارلاۋعا ۋادە بەرگەن. بىراق تۇپكىلىكتى اقپارات بۇگىن جاريالاندى.

مارقۇمدار جونىندە قارالى حاباردى ەستىرتۋ ساتىنە جينالعان قىزمەتكەرلەردىڭ تۋىستارى. تاراز قالاسىنىڭ ءمايىتحاناسىنىڭ الدى. 31 تامىز 2021 جىل. فوتو: QT / كۇلتەگىن اسپانۇلى

مارقۇمدار جونىندە قارالى حاباردى ەستىرتۋ ساتىنە جينالعان قىزمەتكەرلەردىڭ تۋىستارى. تاراز قالاسىنىڭ ءمايىتحاناسىنىڭ الدى. 31 تامىز 2021 جىل. فوتو: QT / كۇلتەگىن اسپانۇلى

The Qazaq Times