جاپونيا اسكەردەگى ايەلدەردىڭ سانىن ارتتىرۋدى كوزدەپ وتىر

جاپونيانىڭ كورعانىس ءمينيسترى تومومي ينادا بارلاۋ بولىمشەلەرى مەن تانكتىك جاساقتا قىزمەت ەتۋگە  ايەلدەرگە قويىلعان بارلىق شەكتەۋلەردى الىپ تاستاپ، الداعى ۋاقىتتا قورعانىس سالاسىنداعى ايەلدەردىڭ ۇلەسىن ارتتىرۋدى كوزدەپ وتىرعاندىعىن مالىمدەدى.

سوعان سايكەس ايەلدەرگە  شەكتەۋ تەك راديولوگيالىق بولىمشەلەر مەن سۇڭگۋىر قايىقتاردا عانا ساقتالماق. ال ولاردىڭ ساقتالۋى - تەك قىزمەت ەتەتىن ورىنداردىڭ تارلىعىنا بايلانىستى ايەلدەرگە جەكە كايۋتا قاراستىرىلماعاندىقتان عانا بولىپ وتىر.

جاپون اسكەرى
فوتو: l.wiki.test.

ايەلدەرگە قورعانىس كۇشتەرىندە قىزمەت ەتۋ 1993 جىلدان رۇقسات ەتىلگەن بولاتىن. 2008 جىلى فلوتتا قىزمەت ەتۋگە شەكتەۋلەر الىنىپ تاستالسا، 2015 جىلى - جاۋىنگەرلىك بولىمدەر مەن 2016 جىلى - سوعىس تىكۇشاقتارىن باسقارۋعا قويىلعان شەكتەۋلەر كۇشىن جويدى. جاپونيانىڭ قورعانىس مينيسترلىگىنىڭ رەسمي اقپاراتتارىندا كورسەتىلگەن ەسەپ بويىنشا، بۇگىندە قورعانىس كۇشتەرىندە 14 مىڭ ايەل قىزمەت ەتەدى، بۇل جالپى اسكەري قۇرامنىڭ 6,1 پايىزىنا تەڭ. ال 1955 جىلى قورعانىس كۇشتەرى ەندى قۇرىلعان كەزدە ولاردىڭ سانى نەبارى 144 بولىپ، 0,1 پايىز عانا بولعان.

“The Qazaq Times”