كورنەكى سۋرەت

Pfizer فارماتسەۆتيكالىق كومپانياسى كوروناۆيرۋسقا قارسى ۆاكتسينانىڭ ءۇشىنشى دوزاسى قاجەت دەگەن مالىمدەمە جاسادى.

كومپانيا ماماندارى ىندەتتەن قورعانۋ دەڭگەيىن ارتتىرۋ ءۇشىن ءۇشىنشى كومپونەنت قاجەت دەسە، اقش عالىمدارى مۇنىمەن كەلىسپەيدى. اقش-تىڭ اۋرۋلاردى باقىلاۋ جانە الدىن الۋ ورتالىعى، سونداي-اق ازىق-تۇلىك ونىمدەرى مەن ءدارى-دارمەك ساپاسىن باقىلاۋ جونىندەگى ورتالىق وكىلدەرى «ەكپەنىڭ ءۇشىنشى دوزاسىن سالۋعا اسىقپاعان ءجون دەيدى.

وسى اپتادان باستاپ يزرايلدە يممۋندىق جۇيەسى ءالسىز تۇرعىندار ەكپەنىڭ ءۇشىنشى دوزاسىن قابىلدايدى. يزرايل پاندەميانى جەڭگەن ەلدەر قاتارىندا بولعانمەن، «دەلتا» شتامىنىڭ تەز تاراۋىنا بايلانىستى دەمالىس كۇندەرى ەلدە ىندەت جۇقتىرۋ دەرەكتەرى ارتقان. بىراق ازىرگە ءۇشىنشى كومپونەنتتى تەك يممۋندىق جۇيەسى ءالسىز ەرەسەكتەر سالدىرا الادى.

9 ميلليوننان اسا حالقى بار يزرايلدە ەكپەنىڭ قاجەتتى ەكى كومپونەنتىن تۇرعىنداردىڭ 56%-دان استامى الىپ قويعان. جالپىحالىقتىڭ ۆاكتسينا جونىندە مالىمدەمە جاساعان يزرايل پرەمەر-ءمينيسترى نافتالي بەننەت:« Pfizer كومپانياسىنىڭ باس ديرەكتورى البەرت بۋرلا مىرزامەن تەلەفون ارقىلى كەلىسسوز جۇرگىزىپ، يزرايلگە ۆاكتسينانىڭ كەلەسى پارتياسىن جەتكىزۋ تۋرالى كەلىستىك. ۋاعدالاستىق بويىنشا پرەپارات 1 تامىزعا دەيىن اكەلىنۋى ءتيىس. ەندى ەلىمىزدە ەكپەنىڭ تۇراقتى قورى بولادى»، – دەدى.

كوروناۆيرۋستىڭ «دەلتا» شتامى از ۋاقىت ىشىندە الەمنىڭ جۇزگە جۋىق ەلىنە تاراپ ۇلگەردى. ساراپشىلار ۆاكتسينا ۆيرۋستى جۇقتىرۋدان 100% قورعاماسا دا، ىندەتتىڭ اۋىر فورمادا وتۋىنەن ساقتايدى. بۋستەرلىك دوزادان كەيىن ستاندارتتى ەكى كومپونەنتپەن سالىستىرعاندا 5-10 ەسە كوپ انتيدەنەلەر قالىپتاسادى. دەگەنمەن كەي ساراپشىلار ەكپەنىڭ ءۇشىنشى دوزاسىن ەنگىزۋ حالىقتىڭ بيلىككە جانە مەديتسيناعا دەگەن سەنىمىنە سىزات تۇسىرەدى دەيدى.

"The Qazaq Times"