ءبىر اي بۇرىن شەكاراسىن قايتا اشقان يسپانيادا ەپيداحۋال ناشارلاي باستادى. مۇندا دا «دەلتا» شتامىن جۇقتىرعاندار سانى ارتقان.

قازىر يسپانيا تۋريستەردىڭ كەلۋى بويىنشا الەمدە ەكىنشى ورىندا بولعاندىقتان، بۇل سالانىڭ ۇلەسى ەكونوميكانىڭ 13%-ىن قۇراعان. الايدا دەمالۋشىلاردى جاپپاي قابىلداۋ سانيتارلىق احۋالعا كەرى اسەرىن تيگىزدى. اسىرەسە تانىمال شيپاجايلاردا ۆيرۋستىڭ تارالۋى ۇدەي ءتۇستى. تۋريستەر دەمالۋدى ۇناتاتىن كاتالونيا وڭىرىندە كوروناۆيرۋس ءورشىدى. ىندەت جۇقتىرعانداردىڭ ورتاشا جاسى – 26.

ەۋرووداققا مۇشە ەلدەردىڭ ازاماتتارى يسپانياعا سانيتارلىق تولقۇجاتپەن كەلە الادى. ال وزگە ەلدەردىڭ تۇرعىندارى ەۋرووداقتا ماقۇلدانعان ۆاكتسينا ەكتىرۋى ءتيىس.

ەلدە ۆاكتسينالاۋ ناۋقانى قارقىندى ءوتىپ جاتىر. بۇگىنگە دەيىن تۇرعىندارىنىڭ جارتىسىنان كوبى ەكپەنىڭ العاشقى دوزاسىن قابىلداعان. بىراق جاستار اراسىندا ەكپە سالعاندار از. ويتكەنى ولارعا ۆاكتسينا تاياۋدا عانا قولجەتىمدى بولدى. «دەلتا» شتامىنىڭ قاۋپى ارتقاندىقتان، يسپانيادا كارانتين شەكتەۋلەرى قايتادان قاتاڭداتىلۋى مۇمكىن.

"The Qazaq Times"