قىتايدىڭ 11 پروۆينتسياسىندا كوروناۆيرۋستىڭ «دەلتا» شتامى تارالىپ، ەلدىڭ دەنساۋلىق ساقتاۋ سالاسىن الاڭداتۋدا. ۇلتتىق دەنساۋلىق ساقتاۋ كوميسسياسى الداعى ۋاقىتتا ۆيرۋستىڭ تارالۋ اۋماعى كەڭەيۋى مۇمكىن ەكەنىن مالىمدەۋدە.
قىتاي بۇعان دەيىن كوروناۆيرۋسقا قارسى كۇرەستە «نولدىك جاعداي» ستراتەگياسىن قولدانىپ ۆيرۋستىڭ تارالۋىن ءونىمدى تەجەگەن ەل رەتىندە بەلگىلى بولىپ كەلدى. الايدا، 17 قازاننان بەرى «دەلتا» شتامى انىقتالعان 133 جاعداي تىركەلىپ، ەلدىڭ دەنساۋلىق ساقتاۋ سالاسىن الاڭداتۋدا.
رەسمي مالىمەتتە «دەلتا» شتامى تۋريستىك ورىندار ارقىلى تاراعانىن ايتادى. وسىعان بايلانىستى ىشكى موڭعول، نينشيا حۋەي اۆتونوميالى ايماعى جانە گانسۋ پروۆينتسيالارىندا تۋريستىك قىزمەتتەر تولىعىمەن توقتاتىلدى.
ىندەتكە قارسى كۇرەس ىسىندە نەمقۇرايلىلىق تانىتقان دەگەن ايىپپەن 6 اكىمشىلىك بولىمشەنىڭ لاۋازىمدى تۇلعالارى قىزمەتتەن قۋىلدى.
دەگەنمەن ۇلتتىق دەنساۋلىق ساقتاۋ كوميسسياسى اۋرۋلاردى باقىلاۋ كەڭەسىنىڭ توراعاسى ۋ ليانۋ ىندەتتىڭ جاڭا جاعدايىن ءبىر اي ىشىندە باقىلاۋعا الۋعا بولادى دەپ مالىمدەگەن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى