ۆاشينگتون الەكسەي ناۆالنىيدىڭ ۋلانۋىنا بايلانىستى رەسەيگە قارسى جاڭا سانكتسيالار پاكەتىن دايىنداپ جاتىر. بۇل تۋرالى اقش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى دجەيك سالليۆان مالىمدەدى.
ساياساتكەر اقش كەز كەلگەن ەلدەگى دەموكراتيا ءۇشىن كۇرەس پەن ازاماتتىق قوعامدى قولدايتىنىن، ەگەر رەسەي بيلىگى وپپوزيتسيانى قۋدالاۋىن دوعارماسا، كرەملگە قارسى قاتاڭ ساياسات ۇستاناتىنىن ەسكەرتتى.
16 ماۋسىمدا جەنەۆادا دجو بايدەن مەن ۆلاديمير پۋتين پرەزيدەنت رەتىندە العاش رەت كەزدەسۋ وتكىزدى. CNN تەلەكانالىنىڭ الەكسەي ناۆالنىي تۋرالى سۇراعىنا جاۋاپ بەرگەن پۋتين ناۆالنىي ءوزى قامالۋدى قالاعان بولۋى مۇمكىن ەكەنىن ايتتى. ول سوزىندە وپپوزيتسيونەردى تاعى ءبىر رەت زاڭ بۇزدى دەپ ايىپتادى. پۋتين كەزدەسۋ كەزىندە ناۆالنىي تاقىرىبى بايدەننىڭ باستاماسىمەن كوتەرىلگەنىن راستادى. بۇدان بولەك ۆلاديمير پۋتين ناۆالنىي تۋرالى ايتىپ جاتىپ، اقش-تى رەسەيدەگى ساياسي وپپوزيتسياعا قولداۋ كورسەتەدى دەپ ايىپتادى.
بىلتىر تامىزدا ناۆالنىي ۋلانۋ بەلگىلەرى بويىنشا ومبى اۋرۋحاناسىنا ءتۇسىپ، كەيىن گەرمانياعا ەمدەۋگە جىبەرىلدى. نەمىس زەرتحاناسىنىڭ ساراپشىلارى وپپوزيتسيونەردىڭ اعزاسىنان «نوۆيچوك» توبىنا جاتاتىن ۋدىڭ ىزدەرىن تاپتى. رەسەي بيلىگى ناۆالنىيدىڭ ۋلانعانىن جانە وزدەرىنىڭ ۋلاۋعا قاتىسىن جوققا شىعارادى.
17 قاڭتاردا ناۆالنىي گەرمانيادان رەسەيگە ورالدى. شەرەمەتەۆو اۋەجايىندا ونى پوليتسيا ۇستادى. فسين ناۆالنىيدىڭ «يۆ روشە» ءىسى بويىنشا العان شارتتى جازا ەرەجەلەرىن بۇزدى دەپ مالىمدەپ، ونى تۇرمەگە جىبەرۋدى سۇرادى. 2 اقپاندا سوت فسين-ءنىڭ ءوتىنىشىن ورىندادى. سوت ۇكىمىنە سايكەس، ساياساتكەر تۇرمەدە 2 جىل 8 اي وتىرۋى ءتيىس.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى