قىزىل ايماققا ەنگەن بىشكەكتە شەكتەۋلەر قايتادان ەنگىزىلدى. قالادا ەپيدەميولوگيالىق تالاپتاردىڭ ساقتالۋىن باقىلاپ، ءجيى رەيد جۇرگىزىلەدى.
15 ماۋسىمدا قابىلدانعان قاۋلى بويىنشا ەندى مۇندا كافە-مەيرامحانا، كينوتەاتر، بالالار الاڭى جارتىلاي عانا ىستەيدى. قىرعىزستاندا كوروناۆيرۋستىڭ ءۇشىنشى تولقىنى ءجۇرىپ جاتقانىن وتكەن اپتادا دەنساۋلىق ساقتاۋ ءمينيسترىنىڭ ورىنباسارى جالاليدين راحماتۋللاەۆ مالىمدەگەن.
جاقىن ارادا ەلگە Sinopharm ۆاكتسيناسىنىڭ 150 مىڭ دوزاسى، سونداي-اق سپۋتنيك V-ءدىڭ 80 مىڭ دوزاسى جەتكىزىلمەك. ءساۋىر جانە مامىردا قىرعىزستان رەسەيدەن ەكى ترانشپەن ۆاكتسينانىڭ 40 مىڭ دوزاسىن العان. سانى شەكتەۋلى بولعاندىقتان، ول تەك سوزىلمالى اۋرۋلارى بار ادامدارعا جانە قارت ازاماتتارعا عانا ەگىلدى.
پاندەميا باستالعالى رەسپۋبليكادا بارلىعى 112 777 كەيس تىركەلگەن. وتكەن تاۋلىكتە بىشكەكتە 368 ادامنان ۆيرۋس انىقتالىپ، ءتورت ناۋقاس قايتىس بولعان.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن