بۇۇ-نىڭ تۇراقتى دامۋ باعدارلاماسىنىڭ گەندەرلىك تەڭسىزدىك يندەكسىندە 44-ءشى ورىندا تۇرعان قازاقستان اۋعانستان ايەلدەرىنىڭ ەكونوميكالىق قۇقىقتارى مەن مۇمكىندىكتەرىن ارتتىرۋعا كومەكتەسپەك.
«ورتالىق ازيا مەن اۋعانستاندا تۇراقتى دامۋ ءۇشىن ايەلدەردىڭ ەكونوميكالىق قۇقىقتارى مەن مۇمكىندىكتەرىن كەڭەيتۋ» اتتى حالىقارالىق فورۋمدا تاراپتار وسىنداي شەشىمگە كەلگەن. ونلاين ارقىلى بايلانىسقا شىققان پارلامەنت ءماجىلىسى توراعاسىنىڭ ورىنباسارى بالايم كەسەباەۆا قازىر قازاقستان، وزبەكستان جانە ەۋروپالىق وداق اراسىندا ورناتىلعان ۇشجاقتى كەلىسىم ءساتتى جۇزەگە اسىپ وتىر دەيدى. اتالعان قۇجات اۋعانستان ايەلدەرىن قازاقستان مەن وزبەكستاننىڭ جوعارى وقۋ ورىندارىندا وقىتۋ ماسەلەسىن قامتيدى.
ال بۇۇ باس حاتشىسىنىڭ كومەكشىسى ميرانيا سپولياريچ ەگگەر ورتالىق ازيادا گەندەرلىك تەڭدىك تاقىرىبى وزەكتى ماسەلەلەردىڭ قاتارىندا دەپ سانايدى. بۇل ماسەلە قازاقستاندى دا اينالىپ وتپەيدى. حالىقارالىق Human Rights Watch قۇقىق قورعاۋ ۇيىمى قازاقستانداعى گەندەرلك تەڭسىزدىك پەن تۇرمىستاعى الىمجەتتىك تاقىرىبىن «تۇراقتى ساقتالىپ وتىرعان ماسەلە» دەپ سيپاتتايدى. ىشكى ىستەر مينيسترلىگى بىلتىر قىركۇيەكتە پوليتسياعا تۇرمىستاعى الىمجەتتىككە بايلانىستى تۇسكەن 130 مىڭ شاعىمنىڭ تەك 2,5 مىڭى بويىنشا قىلمىستىق ءىس قوزعالعانىن حابارلاعان. 30 مىڭ شاعىمنىڭ نەگىزىندە اكىمشىلىك ءىس قوزعالعان. ال وزگە جاعدايلاردا جابىرلەنۋشىلەر ارىز جازۋدان باس تارتقان.
بۇۇ ەسەبىنە سايكەس، قازاقستاندا جىل سايىن وتباسىنداعى زورلىق-زومبىلىقتان شامامەن 400 ايەل كوز جۇمادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟