قازاقستاندا كوروناۆيرۋسقا قارسى تاعى ءبىر ەكپە - QazCoVac-P ۆاكتسيناسىنىڭ كلينيكالىق سىناعى باستالدى. بۇل اقپاراتتى ءبىلىم جانە عىلىم مينيسترلىگىنە قاراستى بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى حابارلادى.
اقپاراتقا قاراعاندا، سىناقتىڭ ءبىرىنشى جانە ەكىنشى كەزەڭى تارازداعى كوپسالالى قالالىق اۋرۋحانادا ءوتىپ، وعان 18-50 جاستاعى ەرىكتىلەر قاتىسادى.
ينستيتۋت سىناق كەزەڭىنە قانشا ادام قاتىساتىنىن جاريالاماعان، بىراق بۇل ەكپە كلينيكالىق سىناققا دەيىن جانۋارلارعا جاسالعان تەكسەرىس كەزىندە "جاقسى ناتيجە كورسەتكەنىن" مالىمدەدى. ەكپەنى سىناقتان وتكىزۋگە دەنساۋلىق ساقتاۋ مينيسترلىگى رۇقسات بەرگەنى دە حابارلاندى.
ينستيتۋتتىڭ دەرەگىنشە، QazCoVac-P – SARS-CoV-2 كوروناۆيرۋسىنىڭ جاساندى سينتەزدەلگەن اقۋىزدارى نەگىزىندە جاسالعان سۋببىرلىكتى ۆاكتسينا.
"قاۋىپسىز ەكپە الۋ ءۇشىن اقۋىزدار تولىق تازارتۋ كەزەڭىنەن جانە تەكسەرىستەن ءوتتى. ەكپەنىڭ قۇرامىندا ۆيرۋستىڭ ءوزى جوق. سۋببىرلىكتى ۆاكتسينا يناكتيۆتەلگەن ەكپەلەر سياقتى قۇرامىندا ءتىرى پاتوگەن كومپونەنتتەرى جوق ءارى وتە قاۋىپسىز" دەيدى مەكەمە.
قازاقستان 26 ساۋىردە، سىناقتىڭ تولىق ءۇش كەزەڭى اياقتالماي جاتىپ، QazVac (تاعى ءبىر اتاۋى - Qaz-Covid-in) ەكپەسىن حالىققا جاپپاي ەگە باستاعان. بۇل ەكپەنى دە بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى دايىنداعان. دەنساۋلىق ساقتاۋ مينيسترلىگى QazVac سىناقتىڭ ەكى كەزەڭىنەن كەيىن 96 پايىز دەگەن ەدى. بىراق بۇل ەكپەنىڭ سىناق كەزەڭى جايلى عىلىمي جۋرنالداردا ءالى ماقالا جاريالانعان جوق.
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ