فوتو: اشىق دەرەككوز

سيرياداعى پرەزيدەنت سايلاۋىندا باشار اساد 95,1% داۋىس جيناپ، ءتورتىنشى مەرزىمگە پرەزيدەنت بولىپ سايلاندى.

مالىمەتتەر بويىنشا، سايلاۋشىلاردىڭ قاتىسۋ كورسەتكىشى 78% بولعان. ساياسي دودادا بارلىعى 3 ۇمىتكەر باق سىنادى. جەرگىلىكتى وپپوزيتسيا جانە ەۋروپالىق وداق پەن اقش سايلاۋ زاڭسىز جانە ادىلەتسىز ءوتتى دەپ مالىمدەدى.

قازىرگى پرەزيدەنت باشار اساد ەلدى جيىرما جىلعا جۋىق ۋاقىت باسقارىپ كەلەدى. ازاماتتىق سوعىس كەزىندە ونىڭ بيلىگى وزىنە قارسى وپپوزتسيا جەتەكشىلەرىن قۋدالاپ، قيناۋعا الدى دەپ تە ايىپتالعان بولاتىن.

بۇدان تۋرا ون جىل بۇرىن سيريالىقتار باشار اساد بيلىگىنە نارازىلىق ءبىلدىرىپ، دەموكراتيالىق تالاپتارمەن كوشەگە شىققان بولاتىن. ونىڭ ناتيجەسى ازاماتتىق سوعىسقا الىپ كەلدى. بۇدان پايدالانعان تەررورلىق توپتار دا ءسۇريا جەرلەرىندە «يسلام مەملەكەتىن» قۇرۋعا تىرىستى. ون جىلعا جالعاسقان سوعىس بىلتىر ناۋرىز ايىندا عانا تولاستادى. رەسەيدىڭ قولداۋىنا يە بولعان باشار اساد ءسۇريانىڭ تۇگەلگە جۋىق اۋماعىنا قايتا بيلىك ورناتقان.

"The Qazaq Times"