ليتۆا بەلارۋستى ينتەرپول قۇرامىنان شىعارۋدى ۇسىندى

ليتۆا ساياسي وپپوزيتسيا وكىلدەرىن قۋدالاۋ ءۇشىن حالىقارالىق قۇقىقتىق قۇرالداردى قولداناتىن بەلارۋستەن ينەترپلوعا مۇشەلىكتى توقتاتۋدى ۇسىندى.

ليتۆا پارلامەنتىنىڭ سىرتقى ساياسات جونىندەگى كوميتەتىنىڭ توراعاسى جيگيمانتاس پاۆيلەنيس: «ءبىز ناتو مۇشەلەرى مەن ەو ەلدەرىنە بەلارۋس بيلىگىنە قارسى سانكتسيالار ەنگىزۋدى، سونىڭ ىشىندە وسى ەلدىڭ ينتەرپولعا مۇشەلىگىن توقتاتۋدى ۇسىنامىز. ويتكەنى بەلارۋس بيلىگى تەرروريستىك اكتىلەردى جۇزەگە اسىرۋ ءۇشىن حالىقارالىق قۇرالداردى قولدانادى»، – دەدى. وسى ماسەلە بوينىشا ليتۆانىڭ ىشكى ىستەر ءمينيسترى اگنە بيلوتايتە ينتەرپول باسشىلىعىنا حات جولدادى.

23 مامىردا بەلارۋس افينادان ۆيلنيۋسكە كەتىپ بارا جاتقان جولاۋشىلار ۇشاعىن مينسكىگە قوندىرىپ، بورتتاعى ءجۋرناليستى ۇستاعان. ۇشاقتا وپپوزيتسيالىق بەلسەندى، جۋرناليست، NEXTA Live ارناسىنىڭ ەكس-رەداكتورى رومان پروتاسەۆيچ بولعان. بەلارۋس بيلىگى وعان «الەۋمەتتىك ارازدىقتى قوزدىردى، قوعامدىق ءتارتىپتى بۇزدى» دەگەن ايىپ تاققان. مينسك پروتاسەۆيچتى 15 جىلعا دەيىن تۇرمەگە قاماۋى مۇمكىن.

بەلارۋستىڭ بەلتا مەملەكەتتىك اقپارات اگەنتتىگىنىڭ حابارلاۋىنشا، لۋكاشەنكو «بومبا جارىلۋ قاۋپىنە بايلانىستى» Ryanair ۇشاعىن مينسكىگە دەيىن ەرتىپ ءجۇرۋ ءۇشىن ميگ-29 اسكەري ۇشاعىن جىبەرگەن. كەيىنىرەك رەسمي وكىلدەر ۇشاقتا ەشقانداي جارىلعىش بولماعانىن مالىمدەدى.

ليتۆادا اۋە كەمەسىن باسىپ الۋ فاكتىسى بويىنشا قىلمىستىق ءىس اشىلدى، مينسكىدە بىرنەشە ساعات بولىپ، جەكسەنبى كۇنى كەشكە ۆيلنيۋسكە ورالعان جولاۋشىلاردان پوليتسيا جاۋاپ الىپ جاتىر.

"The Qazaq Times"