فوتو: https://cdn24

ۇكىمەت ماقۇلداعان جاعدايدا 1 ماۋسىمنان باستاپ يزرايلدە قاتاڭ كارانتين كۇشىن جويادى. بۇل تۋرالى وسى ەلدىڭ دەنساۋلىق ساقتاۋ ءمينيسترى يۋلي ەدەلشتەين مالىمدەدى.

ءتيىستى زاڭ كۇشىنە ەنگەننەن باستاپ ادامدارعا ۆاكتسينا سالدىرعانى جايلى جاسىل پاسپورتتىڭ قاجەتى بولمايدى. جابىق عيمارات پەن كوشەلەردە توپتاسىپ جينالۋىنا شەكتەۋ جويىلادى. بىراق قوعامدىق ورىنداردا بەتپەردە تاعۋ ءتارتىبى كەم دەگەندە ەكى اپتاعا ساقتالىپ، شەتەلگە ساياحاتتاۋعا تىيىمدار ءالى كۇشىندە قالا بەرمەك.

يزرايل – ۆاكتسينالاۋ كامپانياسىن جىلدام جۇرگىزگەن ساناۋلى ەلدەردىڭ ءبىرى، قازىر مۇندا ۆيرۋس جۇقتىرعاندار مەن ودان قايتىس بولعاندار كۇرت ازايعان. مۇندا كوروناۆيرۋسقا قارسى شەكتەۋلەر بىلتىر ناۋرىز ايىندا ەنگىزىلىپ، بىرنەشە مارتە سوزىلعان. بىراق حالىقتى جاپپاي ۆاكتسينالاۋ ناتيجەسىندە بيلىك ەپيدەمياعا توسقاۋىل قويا العان. قازىرگە دەيىن 5 ميلليوننان استام تۇرعىن ەكپە قابىلداعان.

"The Qazaq Times"