بىشكەك پەن دۋشانبە اسكەري بولىمشەلەرىن شەكارادان شىعارۋ پروتسەسىن اياقتادى. بۇل تۋرالى قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ شەكارا قىزمەتى حابارلادى.
شەكارا ۆەدومستۆوسىنىڭ دەرەكتەرى بويىنشا قۇرامىنا ەكى ەلدىڭ قورعانىس مينيسترلىگىنىڭ وكىلدەرى كىرەتىن، بۇرىن اسكەري بولىمشەلەر مەن اسكەري تەحنيكا ورنالاسقان اۋماقتى تەكسەرۋ جونىندەگى بىرلەسكەن كوميسسيانىڭ جۇمىسى جالعاسىپ جاتىر. شەكاراداعى جانە وعان ىرگەلەس اۋداندارداعى جاعداي قازىرگى ۋاقىتتا تۇراقتى.
وسى ماسەلە بويىنشا كەشە قىرعىزستان ۇلتتىق قاۋىپسىزدىك جونىندەگى مەملەكەتتىك كوميتەتتىڭ توراعاسى كامچىبەك تاشيەۆ پەن تاجىكستان تاراپىنان سايمۋمين ياتيموۆ كەزدەستى. دەلەگاتسيا باسشىلارى جانجالدى بەيبىت جولمەن شەشۋدى تالقىلاپ، ورتاق حاتتاماعا قول قويعان.
28-29 ساۋىردە قىرعىزستان مەن تاجىكستان شەكاراسىندا اسكەري قاقتىعىس بولىپ، سالدارىنان 34 قىرعىز ازاماتى قايتىس بولدى. قىرعىزستان اۋماعىنداعى ەلدىمەكەندەردەن 20 مىڭ ادام كوشىرىلدى. تاجىكستان بيلىگى ازىرگە زارداپ شەككەندەر تۋرالى اقپارات بەرمەدى.
1 مامىردا باتكەن وبلىسىندا قىرعىز-تاجىك شەكاراسىن دەليميتاتسيالاۋ جانە دەماركاتسيالاۋ جونىندەگى ۇكىمەتتىك دەلەگاتسيالارى كەلىسسوز جۇرگىزىپ، ناتيجەسىندە تاراپتار قاقتىعىستى تولىق توقتاتاتىنىن، اسكەردى تۇراقتى ورنىنا قايتاراتىنىن مالىمدەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟