اۋعانستان. جويقىن بومبادان جويىلعان لاڭكەستەر سانى انىقتالدى

«شينحۋا» اقپاراتتىق اگەنتتىگىنىڭ بۇگىن كابۋل قالاسىنداعى تىلشىلەرى تارتقان  حابارىندا، اقش-تىڭ اۋعانستان جەرىنە تاستاعان بومباسىنان قازا بولعانداردىڭ سانى انىقتالعان. اقش-تىڭ «يسلام مەملەكەتى» تەررورلىق ۇيىمى بازاسىن كوزدەپ تاستاعان بومباسىنان 94 لاڭكەستىڭ كوزى جويىلعان. ونىڭ ىشىندە 4 ادام ۇيىمداعى ماڭىزدى جەتەكشىلەر.

سوڭعى تەكسەرىپ انىقتاۋدىڭ قورتىندىسى بويىنشا شابۋىلدا «يسلام مەملەكەتى» ۇيىمىنىڭ ەڭ نەگىزگى تۇراعى قيراعان. كوپتەگەن بۋنكەرلەر مەن 300-گە جۋىق جەر استى تۋننەلدەرى جانە قارۋ-جاراق، وق-ءدارى قويمالارى جويىلعان. ۇيىمنىڭ 94 ادامى قازا بولعان.

وسىدان بۇرىن، ياعني اۋعانستان قورعانىس مينيسترلىگىنىڭ 14 ساۋرىدە تاراتقان حابارىندا، اقش اۋە كۇشتەرى تاستاعان بومبادان 36 ادام قازا بولعانى ايتىلعان ەدى. سالماعى 9,5 توننا تۇرانىن GBU-43/B بومباسى اقش-تا «بومبالاردىڭ اناسى» دەگەن اتى بار، جويعىش قۋاتى سۇراپىل بومبا بولىپ سانالادى.

The Qazaq Times