ءبىر ايعا جۋىق «قىزىل ايماقتان» شىعا الماي جاتقان الماتى قالاسىنا كوروناۆيرۋسقا قارسى ۆاكتسينانىڭ 47 مىڭ دوزاسى جەتكىزىلگەن، جۋىردا تاعى 424 مىڭ دوزا الىپ كەلىنەدى دەپ جوسپارلانعان.
قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، ەمحانالار مەن مەدينالىق ورتالىقتاردا 189, قوعامدىق وزگە ورىنداردا ء(سۇ، سوسو، حقكو، بازارلار – QT) 20 جانە رەسپۋبليكا سارايىندا ەگۋ پۋنكتى قۇرىلعان.
«وسى كەزدە 18 مىڭ جانە 29 مىڭ دوزا مولشەرىندە ۆاكتسينالاردىڭ 5 جانە 6 ترانشى الىندى. الداعى كۇندەرى ۆاكتسينانىڭ 424 مىڭ دوزاسىنىڭ تاعى بىرنەشە پارتياسىن اكەلۋ جوسپارلانعان»، – دەلىنگەن حابارلامادا.
تۇرعىندار ەمحانا كەزىپ، كەزەككە تۇرماس ءۇشىن ەكپە الۋعا Egov.kz پورتالى ارقىلى الدىن الا جازىلۋعا بولادى.
جەرگىلىكتى اكىمدىك وتكەن تاۋلىكتە 1180 ادام ەكپە العانىن ايتادى. جالپىحالىقتىق ۆاكتسيناتسيالاۋ ناۋقانى باستالعالى، 1 اقپان مەن 8 ءساۋىر ارالىعىندا بارلىعى 49 160 ادام ەكپە العان، ونىڭ 12,2 مىڭى قوس بىردەي دوزاسىن تولىقتاي سالدىرعان.
يممۋنداۋ شاراسىنان وتكەندەردىڭ قۇرامى: 10 263 مەديتسينا قىزمەتكەرى، 8285 پەداگوگ، 5982 قۇقىق قورعاۋ قىزمەتكەرى، 307 مەملەكەتتىك قىزمەتكەرى، سوزىلمالى اۋرۋلارى بار 4567 ادام.
سەيسەنبى كۇنگى ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي الماتى قالاسىنا ءساۋىر ايىندا «سپۋتنيك V» ەكپەسىنىڭ 316,8 مىڭ، QazCovid-in ۆاكتسيناسىنىڭ 3 مىڭ، ال «باسقا وندىرۋشىلەردىڭ» 114,9 مىڭ دوزاسى كەلەدى دەپ ەدى. الايدا جەرگىلىكتى بيلىك وكىلدەرى «وزگە وندىرۋشىلەردىڭ» قاتارىندا قاي ەلدەردىڭ قانداي ۆاكتسيناسى بارىن بىلمەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟