يەرۋساليمدە يزرايل پرەمەر-ءمينيسترى بينيامين نەتانياحۋعا قاتىستى سوت وتىرىسى قايتا باستالادى. سوتقا شاقىرىلعان كۋاگەرلەردىڭ ءتىزىمىن ءيزرايلدىڭ Jerusalem Post گازەتى جاريالادى. ەگەر جەمقورلىق بويىنشا كىناسى دالەلدەنسە نەتانياحۋ ون جىلعا دەيىن باس بوستاندىعىنان ايىرىلۋى مۇمكىن.
71 جاستاعى نەتانياحۋ پاراقورلىق، الاياقتىق جانە ءۇش ءتۇرلى ءىس بويىنشا سەنىمگە قيانات جاسادى دەپ ايىپتالۋدا. سوت پروتسەسى قايتا جالعاسقان تۇستا نەتانياحۋدا كوروناۆيرۋس پاندەمياسىنا قارسى شارالارىنا قارسىلىق كۇشەيە ءتۇستى. ۇكىمەت ىندەتتىڭ ءبىرىنشى تولقىنىن كەرى قايتارعانداي بولعان ەدى، كارانتين شەكتەۋلەرىن الىپ تاستاۋ اۋرۋدىڭ قايتا ورشۋىنە اكەلدى. تۇرعىندار نەتانياحۋ مەن ونىڭ ۇكىمەتى كوروناۆيرۋس داعدارىسىمەن كۇرەستىڭ ورنىنا باسقا باعىتتارعا باسىمدىق بەرىپ وتىر دەپ نارازىلىق ءبىلدىرىپ جاتىر.
رەسمي مالىمەتتەر بويىنشا، يزرايل ۇكىمەتى پاندەميا جاعدايىندا الەۋمەتتىك كومەك رەتىندە ميللياردتاعان دوللار بولەتىنىن ايتتى، بىراق اقشا مۇقتاج تۇرعىندارعا جەتپەدى. ال ەل ازاماتتارىن باي-كەدەي دەپ بولمەي بارىنە بەردەي تولەم جاساۋ تۋرالى جوسپارىن بەدەلدى ەكونوميستەر سىنعا الدى. ىندەتتىڭ ءبىرىنشى جانە ەكىنشى تولقىندارى جۇمىسسىزدىقتى 3,9%-دان 20%-عا كوتەرىپ جىبەرگەن.
ءيزرايلدىڭ پرەمەر-ءمينيسترى نەتانياحۋعا ايىپ 2019 جىلعى قاراشادا تاعىلعان. باس پروكۋراتۋرا نەتانياحۋعا مەن ونىڭ وتباسى 2007-2016 جىلدار ارالىعىندا امەريكالىق پروديۋسەر ارنون ميلچەن مەن اۆستراليالىق بيزنەسمەن دجەيمس پاكەردەن جالپى سوماسى 250 مىڭ دوللار كولەمىندە سىيلىق قابىلداعان دەپ ايىپتادى. نەتانياحۋ تاعىلعان ايىپتى جوققا شىعاردى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى