بىرققاتار مەملەكەتتەر بەلارۋس ازاماتتىق قوعامىنا قارجىلاي قولدەۋ كورسەتۋدى باستادى. بۇگىن كانادا ۇكىمەتى بەلارۋس ازاماتتىق قوعامىن قولداۋعا 1,76 ميلليون دوللار بولمەك. بۇل تۋرالى كانادا ءسىم باسشىسى مارك گارنونىڭ مالىمدەمەسىندە ايتىلعان.
مالىمدەمەدە: «بولىنگەن قاراجات ءوز قۇقىقتارى مەن ازاماتتىق بوستاندىقتارىن قورعايتىن بەلارۋس ازاماتتىق قوعامىنىڭ تۇراقتىلىعى مەن تيىمدىلىگىن نىعايتۋعا كومەكتەسەدى. بۇل قاراجات، اتاپ ايتقاندا، تاۋەلسىز باق-تى قولداۋعا جۇمسالادى»، – دەلىنگەن.
وتكەن اپتادا گەرمانيا ءسىم بەلارۋس وپپوزيتسياسىن قولدايتىنىن مالىمدەگەن بولاتىن. وسى ماقساتتا گەرمانيا بيلىگى بەلارۋس وپپوزيتسياسىنىڭ وكىلدەرىنە ۆيزا الۋ ەرەجەلەرىن جەڭىلدەتتى. ۆيزالىق رەجيمدى جەڭىلدەتۋ ەڭ الدىمەن «بيلىك تاراپىنان ازاپتالعان، قۋدالانعان ادامدار مەن ولاردىڭ جاقىن تۋىستارىنا» قاتىستى.
9 تامىز بەلارۋستە پرەزيدەنتتىك سايلاۋ ءوتتى. سول كۇنى وسك الەكساندر لۋكاشەنكونىڭ 80,10% داۋىس جيناپ، جەڭىسكە جەتكەنىن حابارلادى. سايلاۋ ناتيجەلەرىن مويىنداۋدان باس تارتقان سۆەتلانا تيحانوۆسكايا كانديدات رەتىندە 10,12% داۋىس جيناعان.
داۋىس بەرۋ قورىتىندىلارى شىعارىلعاننان كەيىن ەلدە جاپپاي نارازىلىق اكتسيالارى باستالدى. ءىرى قاقتىعىستار كەزىندە پوليتسيا شەرۋگە شىققاندارعا قارسى وق اتىپ، كۇشپەن باسىپ-جانشۋعا تىرىستى. قازىر بەلارۋستە جەرگىلىكتى نارازىلىق اكتسيالارى ءالى دە جالعاسۋدا.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟