Foto: www.liga.net

Birqqatar memleketter Belarus' azamattıq qoğamına qarjılay qoldeu körsetudi bastadı. Bügin Kanada ükimeti Belarus' azamattıq qoğamın qoldauğa 1,76 million dollar bölmek. Bwl turalı Kanada SİM basşısı Mark Garnonıñ mälimdemesinde aytılğan.

Mälimdemede: «Bölingen qarajat öz qwqıqtarı men azamattıq bostandıqtarın qorğaytın Belarus' azamattıq qoğamınıñ twraqtılığı men tiimdiligin nığaytuğa kömektesedi. Bwl qarajat, atap aytqanda, täuelsiz BAQ-tı qoldauğa jwmsaladı», – delingen.

Ötken aptada Germaniya SİM Belarus' oppoziciyasın qoldaytının mälimdegen bolatın. Osı maqsatta Germaniya biligi Belarus' oppoziciyasınıñ ökilderine viza alu erejelerin jeñildetti. Vizalıq rejimdi jeñildetu eñ aldımen «bilik tarapınan azaptalğan, qudalanğan adamdar men olardıñ jaqın tuıstarına» qatıstı.

9 tamız Belarus'te prezidenttik saylau ötti. Sol küni OSK Aleksandr Lukaşenkonıñ 80,10% dauıs jinap, jeñiske jetkenin habarladı. Saylau nätijelerin moyındaudan bas tartqan Svetlana Tihanovskaya kandidat retinde 10,12% dauıs jinağan.

Dauıs beru qorıtındıları şığarılğannan keyin elde jappay narazılıq akciyaları bastaldı. İri qaqtığıstar kezinde policiya şeruge şıqqandarğa qarsı oq atıp, küşpen basıp-janşuğa tırıstı. Qazir Belarus'te jergilikti narazılıq akciyaları äli de jalğasuda.

"The Qazaq Times"