يتاليانىڭ پرەمەر-ءمينيسترى دجۋزەپپە كونتە «يتاليا ۆيۆا» پارتياسىنىڭ بيلەۋشى كواليتسياسىنان شىققاننان كەيىن ەلدە ءىرى ساياسي داعدارىس بولۋى مۇمكىن دەپ قاۋىپتەنىپ وتىر. وسى اپتادا كونتە بۇل ماسەلە جونىندە مالىمدەمە جاساماق.
«La Repubblica» باسىلىمىنىڭ مالىمەتىنشە، كونتە مالىمدەمەسىنەن كەيىن شەنەۋنىكتەر ۇكىمەتكە سەنىم ءبىلدىرۋ بويىنشا داۋىس بەرەدى. وسى اپتادا كواليتسيالىق ۇكىمەتكە كىرەتىن «يتاليا ۆيۆا» پارتياسى دجۋزەپپە كونتە كابينەتىنەن 2 ءمينيسترىن شىعارىپ الاتىنىن مالىمدەگەن. سالدارىنان قازىر ءۇش پارتيادان قۇرالعان ۇكىمەتتىك وداق پارلامەنتتەگى باسىمدىعىنان ايىرىلىپ، ەلدە قايتا سايلاۋ ءوتۋى مۇمكىن.
پارتيا جەتەكشىسى ماتتەو رەنتسي بولسا كيكىلجىڭگە پرەمەر-مينيستر دجۋزەپپە كونتەنىنىڭ ەكونوميكالىق ساياساتى سەبەپ دەيدى. ول ۇكىمەت باسشىسىنىڭ ەۋرووداقتىڭ ەل ەكونوميكاسىن قالپىنا كەلتىرۋگە بولگەن قارجىسىنا قاتىستى ساياساتى دۇرىس ەمەس دەپ سىنعا الۋدا. بىراق ماسەلەنى شەشۋ ءۇشىن كەلىسسوز جۇرگىزۋگە دايىن ەكەنىن ايتادى.
داعدارىستىڭ ۋشىعۋىنا سەبەپكەر «يتاليا ۆيۆا» پارتياسىنىڭ ليدەرى، ەكس-پرەمەر رەنتسي وپپوزيتسياعا ءوتىپ، كونتەگە سەنىم بىلدىرمەيتىنىن ايتتى. پارتيانىڭ بۇل شەشىمىن دەمپارتيا وكىلدەرى سىنعا الىپ، ەلدەگى ساياسي داعدارىستىڭ ارتۋىنا سەبەپكەر رەتىندە ايىپتاپ وتىر.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى