پەنتاگونداعى اۋىس-ءتۇيىس دەموكراتتاردى الاڭداتتى

اقش پرەزيدەنتى دونالد ترامپ قورعانىس ءمينيسترى مارك ەسپەردى قىزمەتىنەن بوساتقاننان كەيىن ءبىر وتە سالىپ تاعى ءبىر قورعانىس لاۋازىمدىسى پەنتاگوننان كەتىپ قالدى. پەنتاگونداعى كادرلىق الماسۋلار دەموكراتتاردى الاڭداتتى.

مارك ەسپەر جۇمىستان كەتىسىمەن پەنتاگونداعى ونىڭ ساياسي ماسەلەلەر جونىندەگى ورىنباسارى جەيمس اندەرسون ءوز ەركىمەن جۇمىستان كەتتى. اندەرسون كەتەرىندە پرەزيدەنت ترامپقا ءبىر پاراق حات قالدىرعان ەكەن، حاتىندا ءوزىنىڭ پەنتانگونداعى قىزمەتىندەگى جەتىستىكتەرىن تىزە كەلىپ،  مەملەكەتكە ەتكەن قىزمەتتەرى ءۇشىن ماقتانىش سەزىمدە كەتىپ بارا جاتقانىن ايتىپتى.

«قازىر بارىنەن دە ماڭىزدىسى نە، ول ءبىزدىڭ ەڭ ۇزاق مەرزىمدى جەتىستىگىمىز – بارلىق مەملەكەتتىك قىزمەتكەرلەر قورعاپ، قولداۋعا انت بەرگەن ەلىمىزدىڭ كونستيتۋتسياسىن ساقتاۋ»، – دەگەن ەكەن اندەرسون حاتىندا.

ترامپ مارك ەسپەردى قىزمەتىنەن بوساتقانىن دۇيسەنبىدە تۆيتتەر پاراقشاسىندا جازدى، بىراق سەبەبىن تۇسىندىرمەدى. جاي عانا: «مارك ەسپەر قىزمەتىنەن بوساتىلدى، مەن وعان بۇعان دەيىنگى قىزمەتى ءۇشىن العىس ايتقىم كەلەدى»، – دەگەن.

كەيبىر دەموكراتتار كەشە پەنتاگونداعى اۋىس-كۇيىستەرى سىناپ، ترامپ بيلىگىن ساقتاپ قالۋ ءۇشىن وزىنە قارسى ادامداردى بيلىكتەن قۋىپ، ورنىنا ىڭعايلى ادامدارىن اكەلىپ جاتىر، بۇنىسى اۆتوكراتياعا كوبىرەك ۇقسايدى دەپ شەنەدى.

“The Qazaq Times”