«الا-ارچا» مەملەكەتتيك رەزيدەنتسياسىندا ءوتىپ جاتقان وتىرىستا قىرعىزستان پارلامەنتىنىڭ سپيكەرى كاناتبەك يساەۆ وتستاۆكاعا كەتەتىنىن مالىمدەدى. ول پرەزيدەنتتىك سايلاۋعا قاتىسپاق، – دەپ حابارلايدى 24.kg.
رەسمي مالىمدەمەسىندە ول: «التىنشى شاقىرىلىمدا جوگوركۋ كەڭەشتىڭ قىزمەتى اياقتالىپ جاتقاندىقتان، مەن پرەزيدەنتتىڭ مىندەتىن اتقارۋدان باس تارتقام. تالاس-تارتىس بولۋىن قالاعان جوقپىن. بىراق پارلامەنتتىك سايلاۋ ۋاقىتى شەگەرىلدى. سادىر جاپاروۆ پرەزيدەنتتىك سايلاۋعا قاتىساتىنىن جاريالادى. دەمەك، پارلامەنتتىڭ توراعاسى پرەزيدەنتتىڭ مىندەتىن اتقارادى. بىراق «كىرگىزستان» پارتياسى مەنى مەملەكەت باسشىسىنىڭ سايلاۋىنا ۇمىتكەر رەتىندە ۇسىندى. سوندىقتان توراعالىقتان كەتۋ تۋرالى شەشىم قابىلدادىم»، – دەدى.
نەگىزىنەن كاناتبەك يساەۆ پارلامەنت سايلاۋىنان كەيىن تۋىنداعان ساياسي داعدارىس تۇسىندا - 13 قازاندا قىرعىزستان پارلامەنتىنىڭ سپيكەرى بولىپ سايلانعان ەدى. پرەمەر-مينيستر سادىر جاپاروۆتىڭ لەگيتيمدىگى جايلى داۋ تۋىنداعان شاقتا يساەۆ سپيكەر بولىپ تۇردى. كەيىن ول پرەزيدەنت مىندەتىن اتقارۋدان باس تارتتى. 16 قازاندا قىرعىزستان پارلامەنتى پرەزيدەنت وكىلەتىن پرەمەر-مينيستر سادىر جاپاروۆقا بەرۋدى ماقۇلداعان.
قىرعىزستاندا مەرزىمىنەن بۇرىنعى پرەزيدەنتتىك سايلاۋ 2021 جىلدىڭ 10 قاڭتارىندا وتەتىن بولدى. ورتالىق سايلاۋ كوميتەتىنىڭ وتىرىسىندا وسىنداي شەشىم قابىلداندى. قازىر پرەزيدەنتتىڭ مىندەتىن اتقارۋشى سادىر جاپاروۆ پرەزيدەنتتىك سايلاۋعا قاتىساتىنىن ايتقان.
بيىل 20 جەلتوقساندا قىرعىز ەلىندە پارلامەنتتىك سايلاۋ ءوتۋى كەرەك بولاتىن. الايدا سادىر جاپاروۆ جوگوركۋ كەنەش دەپۋتاتتارىن سايلاۋ ۋاقىتىن 21 ناۋرىزعا شەگەردى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟