يزرايل حالقى ۇكىمەت باسشىسىنىڭ وتستاۆكاسىن تالاپ ەتتى. مالىمەتتەر بويىنشا، شەرۋشىلەر بينيامين نەتانياحۋ كوروناۆيۋستىڭ ەكىنشى تولقىنىن توقتاتۋ ءۇشىن دەر كەزىندە قيمىلدامادى جانە جەمقورلىق جاسادى دەگەن ايىپ تاعىپ وتىر.
تاياۋدا بيلىك ەلدە 4 اپتاعا سوزىلعان كارانتين اياقتالعانىن حابارلاعان. كەيىننەن جۇزدەگەن ادام پرەمەر-مينيستر رەزيدەنتسياسىنىڭ الدىنا جينالدى. نارازى جۇرتتىڭ ايتۋىنشا، الەمدە كوروناۆيرۋستىڭ ەكىنشى تولقىنى بەلەڭ العان تۇستا، يزرايل بيلىگى كارانتين تالاپتارىن جەڭىلدەتكەن. مۇنىڭ ارتى ناۋقاستار سانىنىڭ قايتادان ارتۋىنا سەبەپ بولۋى مۇمكىن.
شەرۋدەن سوڭ حالىققا ۇندەۋ جاساعان ۇكىمەت باسشىسى ەكىنشى كارانتين ناتيجەلى بولعانىن، ەلدە ۆيرۋس جۇقتىرۋ دەرەگى تومەندەگەنىن ايتتى. دەگەنمەن تۇرعىندار شەكتەۋ تالاپتارىن ورىنداماسا، ەلدە ءۇشىنشى رەت كارانتيندىك شارالار قابىلدانادى.
يزرايلدە ىندەت تارالعالى 300 مىڭنان استام ادام دەرتكە شالدىعىپ، 2 مىڭنان اسا ناۋقاس قايتىس بولعان. وسىعان دەيىن مىڭداعان ادام نەتانياحۋدىڭ وتستاۆكاسىن تالاپ ەتىپ، بىرنەشە مارتە شەرۋگە شىققان بولاتىن.
نەگىزىنەن يزرايلدە جالپىۇلتتىق كارانتين 18 قىركۇيەكتە ەنگىزىلگەن ەدى. سول ۋاقىتتان بەرى ءبىر كۇندىك ءوسىم 9 مىڭنان 2 مىڭعا دەيىن تومەندەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟