قازاق باتالونىن ۇلكەن سىناق كۇتىپ تۇر

قازاقستاندا «ىلە» وقۋ-جاتتىعۋ ورتالىعىنىڭ بازاسىندا «دالا قىرانى – «كوكتەم-2017» تاكتيكالىق-ارنايى بىتىمگەرشىلىك وقۋ-جاتتىعۋى ءبىرىنشى كەزەڭىنىڭ بەلسەندى فازاسى ءوتتى. اقش جانە ۇلىبريتانيانىڭ اسكەري قىزمەتشىلەرىمەن بىرلەسە قازاقستاندىق بىتىمگەرشىلەر بىتىمگەرشىلىك ميسسيالاردىڭ تاقىرىپتىق ماسەلەلەرىنىڭ ءبىرتۇتاس كەشەنىن پىسىقتادى. بۇل تۋرالى قورعانىس مينيسترلىگىنىڭ رەسمي سايتىندا جاريالاندى.

وقۋ-جاتتىعۋدىڭ بەلسەندى فازاسىن وتكىزۋ كەزىندە قازاقستان قارۋلى كۇشتەرىنىڭ وقۋ-جاتتىعۋ ورتالىعى بوسقىنداردىڭ ەلەستەتۋ لاگەرلەرىمەن ناعىز بىتىمگەرشىلىك بازاعا اينالدى. جاسالعان ينفراقۇرىلىم بارلىق جوسپارلانعان ءىس-شارالاردى ساپالى وتكىزۋ ءۇشىن شانايى جاعدايدا بارىنشا جاقىنداتىلعان تۇردە مودەلدەۋگە مۇمكىندىك بەردى. وقۋ-جاتتىعۋعا قاتىسۋشىلار جاۋاپكەرشىلىك ايماقتارىن پاترۋلدەۋ، بلوكبەكەتتەردى ورناتۋ قۇرالدارى بويىنشا كولىك ماگيسترالدارىن باقىلاۋ، شەرۋشىلەرمەن جۇمىس جاساۋ، بىتىمگەرشىلىك بازانى كۇزەتۋ، جەكەلەگەن تۇلعالار مەن ىزگىلىك جۇكتەردى ايداۋىلداۋ مەن ىلەسىپ ءجۇرۋ، سونداي-اق، العاشقى مەديتسينالىق كومەك كورسەتۋ بويىنشا ماسەلەلەردى پىسىقتادى. ۇلىبريتانيا قارۋلى كۇشتەرىنىڭ وكىلدەرى قازاقستاندىق اسكەري قىزمەتشىلەردىڭ، ولاردىڭ ىشىندە، قويىلعان تاپسىرمالاردى ورىنداۋدا بىتىمگەرشىلىك باتالونىنىڭ جوعارى دايىندىق دەڭگەيىن اتاپ ءوتتى. «دالا قىران» وقۋ-جاتتىعۋى 2003 جىلدان باستاپ وتكىزىلىپ كەلەدى. قازاق بىتىمگەرشىلىك باتالونىنىڭ اسكەري قىزمەتشىلەرىنە ءارى قاراي بىتىمگەرشىلىك ميسسيالارعا قاتىسۋ ءۇشىن وزدەرىنىڭ كاسىبي دايىندىق دەڭگەيلەرىن جەتىلدىرۋگە مۇمكىندىك بەرەدى. «كوكتەم-2017» سونىڭ العاشقى فازاسى. «دالا قىرانى-2017» وقۋ-جاتتىعۋىنىڭ نەگىزگى فازاسى شىلدەنىڭ 22-ءى مەن تامىزدىڭ 4-ءى ارالىعىندا «ىلە» پوليگونىنىڭ اۋماعىندا وتەدى. قورىتىندىسى بويىنشا ناتو ەلدەرىنىڭ ساراپشىلارى «قازبات» قازاقستاندىق بىتىمگەرشىلىك باتالونىنىڭ بىتىمگەرشىلىك ميسسيالارعا قاتىسقانى ءۇشىن باعا بەرەتىن بولادى.

“The Qazaq Times”